17ఏళ్ళ కెరీర్ లో అల్లరి న‌రేష్‌కు అతిపెద్ద దెబ్బ

అల్లరి నరేష్ సినిమా అంటే ఒకప్పుడు మినిమమ్ హిట్ సినిమా అనేలా ఉండేది. చాలా వరకు కమర్షియల్ గా బాక్సాఫీస్ వద్ద రికార్డులు నమోదయ్యేవి కావు కానీ ఒక విదంగా యావరేజ్ అన్నా కూడా పెట్టిన పెట్టుబడికి మాత్రం ఎంతో కొంత లాభాన్ని తెచ్చేవి. ఇక హిట్ టాక్ వస్తే కథ వేరేలా ఉండేది. కానీ అల్లరి నరేష్ ఇటీవల కాలంలో మాత్రం పెద్దగా సక్సెస్ అందుకోవడం లేదు. సుడిగాడు సినిమా తరువాత ఒక్క హిట్టు కూడా లేదు.

ఏడాదికి నాలుగైదు సినిమాలు చేసుకుంటూ వచ్చిన నరేష్ మెల్లగా ఇప్పుడు ఏడాదికి ఒక్క సినిమానే చేస్తున్నాడు. ఈ ఏడాది సినిమా రాలేదు. 2019లో అయితే హీరోగా సినిమానే రాలేదు. మహర్షి సినిమాలో హీరో ఫ్రెండ్ పాత్రలో మాత్రమే కనిపించాడు. ఇక మరో షాకింగ్ విషయం ఏమిటంటే నరేష్ ఇండస్ట్రీలోకి అడుగు పెట్టి 17ఏళ్లవుతోంది. ఇంతవరకు తన కెరీర్ లో వెండితెరపై కనిపించని సంవత్సరం లేదు. ఇదే అతిపెద్ద గ్యాప్.

2020లో రావాలని అనుకున్నాడు కానీ కోవిడ్ వల్ల కుదరలేదు. ఇక 2021 సంక్రాంతికి హిట్ కొట్టాలని బంగారు బుల్లోడు సినిమాతో రాబోతున్నాడు. అలాగే నాంది అనే సినిమాతో కూడా డిఫరెంట్ గా ఆకట్టుకోవాలని నెక్స్ట్ సమ్మర్ ను టార్గెట్ చేస్తున్నాడు. ఈ రెండు సినిమాలపై నరేష్ కాన్ఫిడెంట్ గా ఉన్నాడు. ముఖ్యంగా నాంది తప్పకుండా తన కెరీర్ బెస్ట్ మూవీ అవుతుందని కూడా చెబుతున్నాడు. మరి ఆ సినిమా ఏ రేంజ్ లో హిట్ అవుతుందో చూడాలి.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!