రెండు నెలల తరువాత కెమెరా ముందుకు నాగ్ ..

దాదాపు రెండు నెలల తరువాత మళ్ళీ కెమెరా ముందుకు వచ్చినట్లు నాగార్జున తన ట్విట్టర్ అక్కౌంట్ ద్వారా తెలిపాడు. శ్రీకాంత్ కుమారుడు రోషన్ కథానాయకుడిగా తెరకెక్కుతున్న చిత్రం ‘నిర్మలా కాన్వెంట్’.

బ్యాక్ గ్రౌండ్ లో కింగ్ అంటూ వేసిన సెట్స్ లో నాగ్ షూటింగ్ లో పాల్గొన్నాడు. ‘ రెండు నెలల తరువాత మళ్లీ కెమెరా ముందుకు రావడం సంతోషంగా ఉంది. నిర్మలా కాన్వెంట్ షూటింగ్ ను ఆస్వాదిస్తున్నాన’ని
నాగ్ తన ట్విట్టర్ అక్కౌంట్ లో పేర్కొన్నాడు. జి‌ఎన్‌కే రావు దర్శకత్వంలో కాన్సెప్ట్ ఫిల్మ్ ప్రైవేట్ లిమిటెడ్ పతాకం పై ఈ చిత్రాన్ని రూపొందిస్తున్నారు.

మరోవైపు నాగ్.. రాఘవేంద్ర రావు తెరకెక్కించనున్న భక్తి చిత్రం ‘ఓం నమో వెంకటేశ’ లో బాబా హతీ రామ్ పాత్రలో నటించనున్నాడు. ఈ చిత్రం జూన్ 29 నుంచి సెట్స్ పైకి వెళ్లనుంది.