ఒక సినిమా విజయం సాధిస్తే.. ఆ చిత్ర డైరక్టర్ తో సినిమా అనగానే హీరోలు ఎగిరి గంతేస్తారు. కానీ అల్లు అర్జున్ మాత్రం ఆలోచనలో పడ్డారు. అరవింద సమేత వీర రాఘవ సినిమాతో త్రివిక్రమ్ మళ్ళీ ఫామ్లోకి వచ్చారు. అతని నెక్స్ట్ హీరో బన్నీ నే. అయితే అల్లు అర్జున్ కన్ఫ్యూజ్ లో ఉన్నట్లు ఫిలిం నగర్ వాసులు చెప్పారు. అందుకు కారణాలు ఏమిటంటే… ఈ మధ్య అల్లు అర్జున్ దర్శకత్వంలో వేలు పెడుతున్నారు. అలాగే నిర్మాత అల్లు అర్జున్.. సినిమా నిర్మాణంలో ఎక్కువ నియమాలు పెడుతున్నారు. అందుకే అల్లు అరవింద్ నిర్మాణంలో బన్నీ తో సినిమా అంటే దర్శకులు కొంత కాంప్రమైజ్ కావాల్సి ఉంటుంది. నా పేరు సూర్య తర్వాత ఎన్నో కథలు విన్న అల్లు అర్జున్ త్రివిక్రమ్ కథకి ఒకే చెప్పారు. అయితే ఫైనలజ్ అరవింద సినిమా రిలీజ్ తర్వాత మాట్లాడుకుందామని బన్నీ చెప్పారంట.
ఈ మూవీ కి నెగటివ్ టాక్ వస్తే తను, తన తండ్రి చెప్పినట్టుగా త్రివిక్రమ్ వినాల్సి ఉంటుంది. అందుకే ఆగారు. తీరా అరవింద సినిమా అయితే నాన్ బాహుబలి రికార్డ్స్ ని బద్దలు కొడుతోంది. దీంతో ఇప్పుడు బన్నీ త్రివిక్రమ్ మాట వినాల్సి ఉంటుంది. పైగా అల్లు అరవింద్ నిర్మాణంలో కాకుండా.. త్రివిక్రమ్ భాగస్వామిగా కొనసాగుతున్న హారికా హాసిని ప్రొడక్షన్ హౌస్ లోనే నటించాలి. ఈ కండిషన్స్ ని ఒప్పుకొని త్రివిక్రమ్ తో మూవీ చేయాలా? లేకుంటే వేరే డైరక్టర్ కి ఎస్ చెప్పాలా? అని ఆలోచనలో ఉన్నారు. త్వరలోనే తుది నిర్ణయం తీసుకోనున్నారు.
