ఆ రోజుల్లో ఇలియానా అనే స్టార్‌ హీరోయిన్‌ ఉండేది గుర్తుందా? త్వరలో ఇదే స్టైల్‌లో రాశీ ఖన్నా అనే స్టార్‌ హీరోయిన్‌ మీకు గుర్తుందా? అని అడగాల్సి వస్తుందా. ప్రస్తుతం పరస్థితులు చూస్తుంటే అలానే అనిపిస్తోంది. ఇలా అనుకోవడానికి కారణం ఎవరో కాదు రాశీ ఖన్నానే. అవును ఇటీవల కాలంలో ఈ అమ్మడు సౌత్‌ సినిమా ఇండస్ట్రీపై చేస్తున్న వరుస కామెంట్లే దీనికి కారణం అని చెబుతున్నారు. ఇండస్ట్రీలో అడుగుపెట్టిన తొలి రోజుల్లో తనను అందరూ గ్యాస్ ట్యాంకర్ అని బాధపడిన రాశీ ఖన్నా…
ఇప్పుడు ఇండస్ట్రీని, ఫ్యాన్స్‌ని బాధపెడుతోంది. ‘ఊహలు గుసగుసలాడే’ సినిమాతో టాలీవుడ్‌కి పరిచయమైన రాశీ ఖన్నా.. ఆ తర్వాత వరుసగా స్టార్‌ హీరోల సినిమాల్లో నటించి స్టార్‌ హీరోయిన్‌గా ఎదిగింది. ఆ తర్వాత మెల్లగా ఫేడ్‌అవుట్‌ అయిపోయే పరిస్థితికి వచ్చింది. కానీ తిరిగి ‘ప్రతి రోజూ పండగే’ సినిమాతో జోరు పెంచింది. ఇప్పుడు ఆమె చేతిలో వరుస సినిమాలున్నాయి. అలాంటి రాశీ ఖన్నా ‘రుద్ర’ అనే వెబ్ సిరీస్‌లో నటించింది. ఆ సిరీస్‌కు మంచి పేరొచ్చింది.
ఈ సిరీస్ ప్రచారంఓ భాగంగా రాశీ చేస్తున్న కామెంట్స్‌ ఇలియానాను గుర్తు చేస్తున్నాయి. ‘బర్ఫీ’ సినిమా కోసం ఇలియానా బాలీవుడ్‌కి వెళ్లినప్పుడు సౌత్‌ ఇండస్ట్రీపై తెగ కామెంట్స్‌ చేసింది. దీంతో మన నిర్మాతలు, దర్శకులు, హీరోలు ఆఖరికి ఫ్యాన్స్‌ ఆమెను దూరం పెట్టారు. తిరిగి బాలీవుడ్‌కి ఆమె వచ్చినా ప్రేక్షకులు పట్టించుకోలేదు. ఇప్పుడు నెక్స్ట్ రాశీ అనే పరిస్థితి. బాలీవుడ్‌లో ‘మద్రాస్‌ కేఫ్‌’తో ఎంట్రీ ఇచ్చిన రాశీ… అక్కడ సరైన స్థానం సంపాదించలేకపోయింది.
టాలీవుడ్‌ జనాలు ఆదరించడంతో వరుస సినిమాలు చేసింది. అలాంటిది ఇప్పుడు టాలీవుడ్‌ మీదే ఇలా నోరు పారేసుకోవడం ఎంతవరకు కరెక్ట్‌ అనే చర్చ నడుస్తోంది. త్వరలో ఆమె సినిమాలు వస్తే ప్రేక్షకులు ఏం చేస్తారు అనేది చూడాలి. రాశీ ఇటీవల గోపీచంద్‌తో ‘పక్కా కమర్షియల్’, నాగచైతన్యతో ‘థ్యాంక్‌ యూ’లో నటించిన విషయం తెలిసిందే.
ఇంతకీ రాశీ ఏమందంటే…
దక్షిణాది పరిశ్రమకు చెందిన ప్రేక్షకులకు అందం ఉంటే చాలని.. టాలెంట్ అక్కర్లేదని అంది రాశీ. కెరీర్ ఆరంభంలో తనను సౌత్‌ ప్రేక్షకులు గ్యాస్ ట్యాంకర్ అని పిలిచేవారని, అక్కడ నటించడం మొదలుపెట్టిన తరువాత రొటీన్ ఫార్ములాకి అలవాటు పడ్డానని చెప్పుకొచ్చింది. అసలు తనను అలా మార్చేశారని చెప్పుకొచ్చింది. కమర్షియల్ సినిమాల్లో హీరోల పక్కన కాసేపు నటించడం, ఆ తర్వాత సైడైపోవడం లాంటి రొటీన్ ఫార్ములాను తనకు అలవాటు చేశారని చెప్పింది.
సౌత్‌లో కథానాయికను యాక్టింగ్‌ టాలెంట్‌తో కాకుండా లుక్స్ పరంగా గుర్తింపు ఇస్తారని చెప్పింది. ఈ విధానం తనకు నచ్చలేదని కూడా అంది రాశీ ఖన్నా. కొంచెం తెల్లగా ఉంటే చాలు మిల్కీబ్యూటీ అనేస్తారని కూడా అంది రాశీ.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
Home