నరేష్ నాందికి మరో బోనస్

February 27, 2021 / 02:31 PM ISTByFilmy Focus

Join Us

అల్లరి నరేష్ నటించిన నాంది సినిమా మొత్తానికి బాక్సాఫీస్ వద్ద అనుకున్న బ్రేక్ ఈవెన్ టార్గెట్ ను ఫినిష్ చేసింది. సినిమా పెట్టిన పెట్టుబడులకు పరవాలేదు అనిపించేంతగా లాభాలు అందిస్తోంది. అల్లరి నరేష్ గత 9 ఏళ్ల నిరీక్షణకు నాంది మంచి విజయాన్ని అందించింది. సినిమా విజయంతో మొత్తానికి నరేష్ ట్రాక్ లోకి అయితే వచ్చాడు. అదే పెద్ద సంతోషం. ఇక నాంది సినిమాకు సంబంధించిన వివిధ రకాల వార్తలు సోషల్ మీడియాలో బాగానే వైరల్ అవుతున్నాయి.

అయితే ఈ సినిమా ఓటీటీ హక్కులను ఎవరు అందుకుంటారా అని చాలా రోజులుగా సందేహం కలుగుతున్న సమయంలో ఫైనల్ గా అల్లు వారి ఆహాకు అమ్మేశారు. సినిమా బాక్సాఫీస్ వద్ద ప్రాఫిట్ జోన్ లోనే నడుస్తోంది. కొత్త సినిమాల హడావిడి మొదలైంది కాబట్టి రేపో మాపో క్లోజ్ అవ్వక తప్పదు. ఇక సినిమాను ఆహా డీసెంట్ ప్రైజ్ కు కొనుగోలు చేసినట్లు సమాచారం. 2.75కోట్లకు సినిమా డిజిటల్ హక్కులను అమ్మినట్లు తెలుస్తోంది.

ఒక రకంగా సినిమాకు ఇది మంచి బూస్ట్ అనే చెప్పాలి. అలాగే దిల్ రాజు కూడా పెట్టిన పెట్టుబడి కంటే త్రిబుల్ ప్రైస్ కు సినిమాకి సంబంధించిన అన్ని భాషల రీమేక్ హక్కులను సొంతం చేసుకున్నట్లు సమాచారం. త్వరలోనే హిందీలో రీమేక్ చేయవచ్చని టాక్.