Aishwarya Rajesh: మెయిన్ హీరోయిన్ రోల్స్ కోసం వెయిటింగ్!

October 8, 2021 / 07:39 PM ISTByFilmy Focus

Join Us

Aishwarya Rajesh: మెయిన్ హీరోయిన్ రోల్స్ కోసం వెయిటింగ్!

గ్లామర్ షో మీద ఆధారపడకుండా.. నటనతో గుర్తింపు తెచ్చుకోవాలని ఆరాటపడే హీరోయిన్లలో ఐశ్వర్యా రాజేష్ ఒకరు. ఈమె తెలుగమ్మాయి అయినప్పటికీ కోలీవుడ్ లో హీరోయిన్ గా మంచి క్రేజ్ దక్కించుకుంది. ఇప్పుడిప్పుడే తెలుగు సినిమాల్లో అవకాశాలు అందిపుచ్చుకుంటుంది. ‘వరల్డ్ ఫేమస్ లవర్’, ‘టక్ జగదీష్’, ‘రిపబ్లిక్’ లాంటి సినిమాలు నటిగా ఐశ్వర్యకు మంచి గుర్తింపు తీసుకొచ్చాయి. కానీ ఆ సినిమాల్లో ఆమెకి దక్కిన స్క్రీన్ స్పేస్ చాలా తక్కువ. టాలీవుడ్ లో మంచి పట్టు సాధించాలని చిన్న పాత్రలైనా..

ఓకే చెప్పింది ఈ డస్కీ బ్యూటీ. కానీ అలాంటి పాత్రలకే పరిమితం కావాలని అనుకోవడం లేదట. అందుకే రీసెంట్ గా ‘భీమ్లా నాయక్’ సినిమా ఆఫర్ ను కూడా రిజెక్ట్ చేసింది. ముందుగా ఈ సినిమాలో రానా భార్య పాత్ర కోసం ఐశ్వర్యా రాజేష్ ను సంప్రదించారు. ఆమె ఒప్పుకుంటుందనే అనుకున్నారు. కానీ ఆమె నో చెప్పడంతో.. మరో ముద్దుగుమ్మ సంయుక్త మీనన్ ను రంగంలోకి దింపారు. నిజానికి సినిమాలో రానా వైఫ్ పాత్రకు పెద్దగా ప్రాముఖ్యత ఉండదు.

తెరపై కనిపించేది కూడా కాసేపే. అందుకే ఐశ్వర్యా రాజేష్ ఆ పాత్రను రిజెక్ట్ చేసింది. దీని ద్వారా తను చిన్న పాత్రలు చేయడానికి రెడీగా లేనని దర్శకనిర్మాతలకు చెప్పకనే చెప్పింది. కనీసం ఇప్పటికైనా ఈ బ్యూటీకి మెయిన్ హీరోయిన్ గా అవకాశాలు వస్తాయేమో చూడాలి!