Aishwarya Rajinikanth: నాన్న వ్యక్తిగత భావాలకు గౌరవం ఇస్తారు!: ఐశ్వర్య రజనీకాంత్

కోలీవుడ్ ఇండస్ట్రీలో స్టార్ హీరోగా కొనసాగుతూ ఉన్నటువంటి వారిలో సూపర్ స్టార్ రజనీకాంత్ ఒకరు. ఈయన ఇటివల కాలంలో వరుస సినిమాల ద్వారా ప్రేక్షకుల ముందుకు వస్తున్నారు. జైలర్ సినిమా ద్వారా ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకున్నటువంటి రజనీకాంత్ తాజాగా తన కుమార్తె ఐశ్వర్య రజినీకాంత్ దర్శకత్వం వహిస్తున్నటువంటి లాల్ సలామ్ సినిమా ద్వారా ప్రేక్షకుల ముందుకు రావడానికి సిద్ధంగా ఉన్నారు. ఈ సినిమా ఫిబ్రవరి 9వ తేదీ ప్రేక్షకుల ముందుకు రాబోతున్నటువంటి తరుణంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.

అయితే ఈ సినిమాలో రజనీకాంత్ మెయిన్ హీరో కాకుండా ప్రధాన పాత్రలో నటిస్తున్న సంగతి తెలిసిందే. ఇక ఈ సినిమాలో ఎంతోమంది ప్రముఖులు కూడా భాగమవుతున్నారు. ఎన్నో అంచనాల నడుమ ఈ సినిమాని లైకా ప్రొడక్షన్ వారు భారీ బడ్జెట్ సినిమాగా ప్రేక్షకుల ముందుకు తీసుకురావడానికి సిద్ధంగా ఉన్నారు. ఇక ఈ సినిమా విడుదల తేది దగ్గర పడుతుండడంతో ప్రమోషన్ కార్యక్రమాలను కూడా వేగవంతం చేశారు.

ఈ క్రమంలోనే ఐశ్వర్య రజనీకాంత్ (Aishwarya Rajinikanth) మాట్లాడుతూ నేను ఈ సినిమా ప్రీ రిలీజ్ వేడుకలో మాట్లాడిన విషయాలు మా నాన్నకు తెలియవని అయితే సినిమా ప్రమోషన్ కోసమే నేను అలా మాట్లాడానని నాన్నను చెన్నై ఎయిర్ పోర్టులో కొందరు ప్రశ్నించారని అందుకే తాను ఈ వివరణ ఇస్తున్నానని తెలిపారు. నాన్న ద్వారానో లేదా రాజకీయ అంశాల ద్వారా సూపర్ స్టార్ సినిమా ఆడాల్సిన అవసరం లేదని తెలిపారు.

ఇటీవల వచ్చినటువంటి జైలర్ సినిమా ఎలాంటి రాజకీయ అంశాలు లేకపోయినా ఎంతో మంచి విజయం అందుకుంది. నాన్న వ్యక్తిగత విషయాలకు గౌరవం ఇచ్చే వ్యక్తి అని తెలిపారు. ఇక రాజకీయాలు ప్రతి ఒక రంగంలోనూ ఉంటాయని ఈమె తెలిపారు. అలాంటి రాజకీయంతో కూడిన క్రికెట్ క్రీడారంగం నేపథ్యంలో తెరకెక్కినదే లాల్ సలాం చిత్రం అంటూ ఈ సందర్భంగా ఐశ్వర్య రజినీకాంత్ చేసిన కామెంట్స్ వైరల్ అవుతున్నాయి.

అంబాజీపేట మ్యారేజ్ బ్యాండ్ సినిమా రివ్యూ & రేటింగ్!

మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్‌కట్ బాలరాజు సినిమా రివ్యూ & రేటింగ్!