బాలీవుడ్‌లో స్టార్‌ హీరోల్లో ఒకరైన అజయ్ దేవగన్ వరుస సినిమాల్లో నటిస్తూ బిజీగా గడుపుతుంటారు. ఇప్పుడు తెలుగు సినిమాల్లో కూడా నటించడానికి ఇంట్రెస్ట్ చూపిస్తున్నారు. ఆల్రెడీ ‘ఆర్ఆర్ఆర్’ చిత్రంలో చిన్న పాత్రలో నటించి మెప్పించారు.ఆయన పాత్ర సినిమాకి చాలా కీలకం.చరణ్ తండ్రిగా నటించిన ఈయనకి జోడీగా శ్రీయ నటించింది. త్వరలో ఈయన దర్శకత్వం వహించిన ‘రన్‌ వే 34’ కూడా ప్రేక్షకుల ముందుకు రాబోతుంది. బిగ్ బి అమితాబ్‌ బచ్చన్, రకుల్ ప్రీత్‌ సింగ్, ఆకాంక్ష సింగ్ నటిస్తున్న ఈ మూవీ ఏప్రిల్ 29న విడుదల కాబోతుంది.
2008లో వచ్చిన ‘యూ మే ఔర్‌ హమ్‌’, 2016లో వచ్చిన ‘శివాయ్‌’ చిత్రాల తర్వాత అజయ్ దేవగన్ దర్శకత్వం వహించిన మూవీ ఇదే కావడం విశేషం. ఇప్పటికే విడుదలైన ఫస్ట్ లుక్, ట్రైలర్ వంటి వాటికి ప్రేక్షకుల నుండీ మంచి స్పందన లభించింది. ఇదిలా ఉండగా.. తాజాగా అజయ్ దేవగన్ చేసిన కొన్ని కామెంట్స్ హాట్ టాపిక్ అయ్యాయి. ఓ తప్పు వల్ల ఆయన రెండు సార్లు జైలుకి వెళ్ళాను అంటూ చేసిన కామెంట్స్ వైరల్ అవుతున్నాయి.
అజయ్ దేవగన్ మాట్లాడుతూ.. “ఈ విషయాలు ఇప్పుడు చెప్పకూడదు. కానీ గతంలో చాలాసార్లు వీటి గురించి చెప్పాను. ప్రతి ఒక్కరూ తమ చిన్నతనంలో చాలా తప్పులు చేస్తుంటారు. నేను ఇంకా ఎక్కువ తప్పులే చేశాను.దానికి ఫలితంగా ఒక్కసారి కాదు రెండుసార్లు జైలు పాలయ్యాను. ఒకసారి మా నాన్న గన్‌ను అతనికి తెలియకుండా దొంగలించి జైలుకు వెళ్లాను. ఇంకోసారి తప్పు చేసి రెండోసారి కూడా వెళ్లాల్సి వచ్చింది.
నేను కాలేజ్‌ రోజుల్లో గూండాలా ప్రవర్తించేవాడిని. ఇప్పటి తరానికి తెలియకపోయుండొచ్చు కానీ ఆ రోజుల్లో మేము చేసినట్టు ఎవ్వరూ ఎంజాయ్ చేసి ఉండరు.’ అని తను చేసిన తప్పులు తెలిపాడు అజయ్ దేవగణ్‌. ప్రస్తుతం ఈ వ్యాఖ్యలు నెట్టింట వైరల్‌గా మారాయి.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home
