Akhanda 2: అఖండ 2 లీక్స్.. ప్లాన్స్ మామూలుగా లేవు!

నందమూరి బాలకృష్ణ  (Nandamuri Balakrishna)  ప్రస్తుతం బ్యాక్ టూ బ్యాక్ సూపర్ హిట్లతో తెలుగు సినీ ప్రపంచంలో తనదైన రికార్డును కొనసాగిస్తున్నారు. ‘వీర సింహా రెడ్డి’ (Veera Simha Reddy) – ‘భగవంత్ కేసరి’ (Bhagavath Kesari) సినిమాలతో సక్సెస్ సాధించిన బాలయ్య, ఇప్పుడు మరొక పాన్ ఇండియా ప్రాజెక్ట్ అయిన ‘అఖండ 2’ తో ప్రేక్షకుల ముందుకు రాబోతున్నారు. ఈ చిత్రం బాలయ్య బాబు గతంలో బోయపాటి శ్రీను(Boyapati Srinu)  దర్శకత్వంలో తీసిన ‘అఖండ’కు  (Akhanda)  సీక్వెల్ కావడం విశేషం. అఖండ 2 కు సంబంధించిన ప్రాజెక్ట్ ఇటీవలే ఘనంగా ప్రారంభమైంది.

Akhanda 2

ఇప్పుడు అఖండ 2 లో బాలకృష్ణ పాత్రకు సంబంధించిన కొన్ని ఆసక్తికర విషయాలు లీక్ అవుతున్నాయి. బాలయ్య ఈ సినిమాలో దేవాలయాల పవిత్రతను కాపాడే యోధుడిగా కనిపించనున్నాడని టాక్ వినిపిస్తోంది. పైగా హిందూ గ్రంధాల పట్ల అవహేళన చేసే వారి పని పట్టే శక్తివంతమైన పాత్రలో కనిపించనున్నారని తెలుస్తోంది. తొలి సినిమాలో అఘోర లుక్ తో ఆడియన్స్ కి ఫుల్ ఫీల్ ఇచ్చిన బాలయ్య, ఈ సీక్వెల్ లో మరింత పవర్ ఫుల్ లుక్ లో ప్రేక్షకులను అలరించబోతున్నారు.

ఈ ప్రాజెక్ట్‌పై బోయపాటి మరియు బాలయ్య కాంబినేషన్ అంటేనే ప్రేక్షకులలో ఒక రకమైన అంచనాలు ఏర్పడతాయి. ఈ కాంబో గతంలో సింహా(Simha) , లెజెండ్ (Legend), అఖండ వంటి బ్లాక్ బస్టర్స్ హిట్స్ ని అందించింది. ఇక ‘అఖండ 2’ పాన్ ఇండియా లెవెల్ లో విడుదలకు సిద్ధమవుతుండటంతో, నిర్మాతలు ప్రాజెక్ట్ విషయంలో ఎక్కడా కాంప్రమైజ్ అవ్వకుండా భారీ బడ్జెట్ తో సినిమాను నిర్మిస్తున్నారు. ఈ సినిమా అన్ని భాషల్లో రికార్డులను సృష్టించగలదని సినీ విశ్లేషకులు భావిస్తున్నారు.

సినిమా సెట్స్ పైకి త్వరలో వెళ్లనుంది, ఇప్పటికే భారీ సెట్స్ నిర్మించారని సమాచారం. ప్రగ్యా జైశ్వాల్ (Pragya Jaiswal) ఈ సినిమాలో హీరోయిన్‌గా నటిస్తుండగా, బాలయ్య మరింత శక్తివంతమైన పాత్రలో కనిపించేందుకు సన్నాహాలు చేస్తున్నారు. ఓపెనింగ్ రోజునే పవర్ ఫుల్ డైలాగ్‌తో సందడి చేసిన బాలయ్య, సినిమాలో అలాంటి డైలాగ్‌లు పుష్కలంగా ఉండేలా ప్లాన్ చేస్తున్నారు. ఇక తెలుగులోనే కాకుండా పాన్ ఇండియా ప్రేక్షకులను ఆకట్టుకునేలా భారీ ఎత్తున ప్రమోషన్ చేస్తుండటంతో అఖండ 2పై అంచనాల ఆసక్తి మరింత పెరిగింది.

బ్రేకులు లేకుండా ప్రభాస్ స్పీడ్.. ఎలా బ్యాలెన్స్ చేస్తాడో!