సామాన్యులకి మాత్రమే కాదు సెలబ్రిటీలకి కూడా భద్రత లేకుండా పోతుంది. స్టార్ హీరోలను కూడా కొంతమంది గుర్తు తెలియని వ్యక్తులు వేధింపులకు గురిచేసిన సందర్భాలు ఉన్నాయి. మొన్నామధ్య మోహన్ బాబుకు (Mohan Babu) ఫోన్ చేసి చంపేస్తామంటూ కొంతమంది బెదిరించడం జరిగింది. అతని ఇంట్లోకి కూడా కొందరు అక్రమంగా చొరబడ్డ సందర్భాలు ఉన్నాయి. తాజాగా బాలీవుడ్ బాద్ షా షారుఖ్ ఖాన్ (Shah Rukh Khan) కి సైతం ఇలాంటి బెదిరింపు కాల్స్ రావడం జరిగింది.
వివరాల్లోకి వెళితే.. బాలీవుడ్ స్టార్ హీరో షారూక్ ఖాన్‌కు బెదిరింపు కాల్స్ వస్తున్నాయట.అది కూడా రూ.50 లక్షలు కోసమని సమాచారం. ‘మాకు అర్జెంట్..గా రూ.50 లక్షలు కావాలి. లేదు అంటే మిమ్మల్ని చంపేస్తాం’ అంటూ షారుఖ్ ఖాన్ కి గుర్తు తెలియని వ్యక్తులు ఫోన్ చేసి బ్లాక్ మెయిల్ చేశారట. దీంతో షారుఖ్ బాంద్రా పోలీసులని ఆశ్రయించినట్లు తెలుస్తుంది. షారుఖ్ కంప్లైంట్ ను స్వీకరించిన పోలీసులు..
కేసు నమోదు చేసి దర్యాప్తు చెప్పినట్లు తెలుస్తుంది. ఛత్తీస్‌గఢ్ నుండి ఈ కాల్ వచ్చినట్టు వారు గుర్తించారు. ఛత్తీస్‌గఢ్‌లోని రాయ్‌పూర్ కి చెందిన జనాలు షారుఖ్ ఖాన్ కి ఫోన్ చేసి బ్లాక్ మెయిల్ చేస్తున్నారట. అక్కడ ఉండే ఫైజాన్ ఖాన్ అనే వ్యక్తిపై పోలీసులు అనుమానపడుతున్నారని సమాచారం.ఫైజాన్ ఖాన్ ని విచారించేందుకు కూడా పోలీసులు రెడీ అయ్యారట.
నవంబర్ 5న షారుక్ ఖాన్‌కు ఈ బెదిరింపు కాల్ వచ్చినట్టు తెలుస్తుంది. అయితే షారుఖ్ ఖాన్ వంటి స్టార్ హీరో ఫోన్ నెంబర్.. ఎవరికి తెలుస్తుంది? షారుఖ్ అంటే నచ్చని వాళ్ళు అతని నెంబర్ ఇచ్చి ఇలా బ్లాక్ మెయిల్ చేయమంటున్నారా? వంటి కోణాల్లో పోలీసులు దర్యాప్తు చేపట్టినట్లు తెలుస్తోంది. గతంలో సల్మాన్ ఖాన్ (Salman Khan) కి కూడా ఇలాంటి బెదిరింపు కాల్స్ వచ్చిన సంగతి తెలిసిందే.
Home
