టాలీవుడ్ నవ మన్మధుడు, కింగ్ ఆఫ్ గోల్డెన్ హార్ట్స్ అక్కినేని నాగార్జున నట వారసుల్లో ఒకడిగా, టాలీవుడ్ కి భారీ బడ్జెట్ సినిమాతో, భారీ అంచనాలతో అడుగుపెట్టాడు అక్కినేని అఖిల్. తొలి సినిమాతోనే భారీ హిట్ కొట్టాలి అన్న కసితో సినిమాలో నటించిన అఖిల్ ఆ సినిమాని డిజాస్టర్ గా మలుచుకున్నాడు. ఎవ్వరూ ఊహించని విధంగా అఖిల్ అట్టర్ ఫ్లాప కావడంతో కాస్త ఆలోచించి తన రెండో సినిమాను ఎట్టి పరిస్థితుల్లో సూపర్ హిట్ గా మలచుకోవాలి అని ఆలోచించి మరీ ఎన్నో భారీ ఆఫర్స్ వస్తున్నప్పటికీ వాటన్నింటినీ కాదని, వెతికి..వెతికి…చివరకూ తన రెండో సినిమా గురించి ట్వీట్ చేశాడు మన నటసామ్రాట్ మనమడు.
ఇంతకీ విషయంలోకి వెళితే…లాంగ్ గ్యాప్ తీసుకుని పక్కా ప్లానింగ్ తో దూసుకు వస్తున్న అఖిల్ రెండో సినిమాకి పేపర్ వర్క్ పూర్తయింది. స్క్రిప్ట్ రెడీ, ఇక పెన్‌తో పనిలేదు. క్లాప్ బోర్డ్, కెమేరా లెన్స్‌లతోనే కుర్రాడు ముందుకు వెళ్లాలి. షూటింగ్ ప్రారంభించడమే తరువాయి. ఇక ఈ సినిమాకి…అందాల రాక్షసి, కృష్ణగాడి వీర ప్రేమగాథ సినిమాల ఫేమ్ హను రాఘవపూడి దర్శకత్వం వహిస్తున్నట్లు అఖిల్ ఆల్‌రెడీ ట్వీట్ లో తెలిపాడు. అదే క్రమంలో అక్కినేని నాగార్జున బర్త్‌డే సందర్భంగా ఆగస్టు 29న లాంఛనంగా పూజా కార్యక్రమాలతో ఈ సినిమా ప్రారంభం కానుందట. స్క్రిప్ట్ వర్క్ పూర్తయినా క్లాప్ కొట్టేది మాత్రం అప్పుడేనని టాలీవుడ్ టాక్. హీరోయిన్, ఇతర వివరాలను ఆ రోజున ప్రకటించనున్నారట. ఇక ఈ ఏడాది చివరలో రెగ్యులర్ షూటింగ్ జరుపుకునేందుకు సిద్దం అవుతున్నాడు అఖిల్, మరి ఈ సినిమా అయిన అఖిల్ కు హిట్ తెచ్చిపెట్టాలని ఆశిద్దాం.
Home