త్వరలో సెట్స్ పైకి వెళ్లనున్న అఖిల్ రెండో చిత్రం..?

అక్కినేని అఖిల్ కథానాయకుడు గా నటించిన మొదటి చిత్రం ‘అఖిల్’ బాక్సాఫీస్ వద్ద బోల్తా కొట్టడంతో.. అఖిల్ నటించనున్న రెండో చిత్రం పై ఆయన తండ్రి నాగార్జున ఎంతో జాగ్రత్తగా వ్యవహరిస్తున్నారు. తాజాగా నాగార్జునకు ‘ఊపిరి’ చిత్రం ద్వారా హిట్ నిచ్చిన వంశీ పైడిపల్లి దర్శకత్వంలోనే అఖిల్ రెండో చిత్రం ఉంటుందని ఆయన ఓ ఇంటర్వ్యూ లో తెలిపారు.

అయితే ఈ చిత్రం ఎప్పుడు ప్రారంభం అవుతుందన్న విషయం మాత్రం వెల్లడించలేదు. తాజా సమాచారం ప్రకారం ఈ చిత్రం జూన్ రెండో వారం నుంచి ప్రారంభం అయ్యే అవకాశం ఉందని అంటున్నాయి ఫిల్మ్ నగర్ వర్గాలు. మరోవైపు రెగ్యులర్ షూటింగ్ శరవేగంగా పూర్తి చేసి జనవరి లో ఈ చిత్రాన్ని విడుదల చేయాలనే ఆలోచనలో చిత్ర బృందం ఉన్నారని అంటున్నారు. కాగా ఈ చిత్రాన్ని అన్నపూర్ణ స్టూడియోస్ పతాకం పై నిర్మించే అవకాశం ఉందని వార్తలు వినవస్తున్నాయి.