చెర్రీ పాట.. అఖిల్ ఆట..!!

అభిమానులు మా హీరో.. మా హీరో అంటూ కొట్టుకుంటారు గాని .. సినీ తారలందరూ స్నేహంగా ఉంటారు. ఈ సంగతి మనకి అలనాటి స్టార్లు అనేక సార్లు నిరూపించారు. నేటి హీరోల మధ్య కూడా అంతే ఫ్రెండ్ షిప్ ఉంది. కింగ్ అక్కినేని నాగార్జున కుమారుడు అఖిల్, మెగాస్టార్ తనయుడు రామ్ చరణ్ మంచి స్నేహితులు. ఆ చనువు కొద్దే చరణ్ మూవీ నాయక్ లోని “లైలా.. ఓ లైలా” పాట లైన్ ను తన కొత్త సినిమాకు పేరుగా పెట్టుకున్నట్లు తెలిసింది.

అఖిల్ తన మొదటి సినిమా ఫెయిల్ కావడంతో రెండో సినిమా ఫై చాలా సీరియస్ గా పని చేస్తున్నాడు. ఊపిరి డైరక్టర్ వంశీ పైడిపల్లి రొమాంటిక్ విత్ యాక్షన్ జాన్ర లో స్క్రిప్ట్ రెడీ చేస్తున్నారు. పీవీపీ వారు నిర్మిస్తున్న ఈ సినిమాకు సూటయ్యే టైటిల్ అదేనని డైరక్టర్, హీరో నిర్ణయించి “లైలా.. ఓ లైలా”ను ఫైనల్ చేశారు. అఖిల్ పక్కన నటించే లైలా కోసం అన్వేషణ మొదలయింది.