పెళ్లికి సిద్ధమవుతోన్న శ్రియా భూపాల్!

అఖిల్, శ్రియా భూపాల్ లు ప్రేమించుకొని.. పెద్దలను ఒప్పించి ఘనంగా నిశ్చితార్ధం కూడా చేసుకున్నారు. కానీ వారం రోజుల్లో పెళ్లి అనగా క్యాన్సిల్ అయింది. ఇద్దరూ గొడవపడ్డారని, పెళ్లి రద్దయిందని కొంతకాలంగా మీడియాలో రూమర్లు తప్పించి.. ఇరు కుటుంబాల వారు దీనిపై స్పందించలేదు. సినిమా ప్రమోషన్లో కూడా.. అక్కినేని హీరోలు ఆ ఒక్క ప్రశ్నకు సమాధానం చెప్పకుండా దాటవేశారు. అయితే తాజాగా శ్రీయా భూపాల్ మరో యువకుడితో కలిసి తీసుకున్న ఫోటో సోషల్ మీడియాలో హల్ చల్ చేస్తోంది. ఆ అబ్బాయితో పెళ్లి పీటలు ఎక్కడానికి శ్రియా భూపాల్‌ సిద్ధమవుతున్నట్లు ఫిలిం నగర్ వాసులు చెప్పుకుంటున్నారు.

ఇంకా పేరు బయటికి రాని ఆ అబ్బాయి..  హీరో రాంచరణ్ భార్య ఉపాసన కామినేని కజిన్‌ అంట. త్వరలోనే పెళ్లి జరుగుతుందని సమాచారం. మరి ఇందులో ఎంతవరకు నిజముందో తెలియదు. ఈ విషయాన్ని ఎవరూ అధికారికంగా ప్రకటించలేదు. అఖిల్ మాత్రం హలో సినిమాతో విజయాన్ని అందుకొని నెక్స్ట్ సినిమా కోసం కథలను వింటున్నారు. త్వరలో తాను ఎవరి దర్శకత్వంలో నటించబోతున్నారో వెల్లడించనున్నారు. ఆ న్యూస్ కోసం అక్కినేని అభిమానులు ఎదురు చూస్తున్నారు.