2021 సంవత్సరం, 2022 సంవత్సరం అక్కినేని హీరోలకు బాగానే కలిసొచ్చిందని చెప్పాలి. గతేడాది నాగ్ నటించి విడుదలైన వైల్డ్ డాగ్ ప్రేక్షకులను ఆకట్టుకోలేకపోయినా నాగచైతన్య నటించిన లవ్ స్టోరీ, అఖిల్ నటించిన మోస్ట్ ఎలిజిబుల్ బ్యాచిలర్ సినిమాలు సక్సెస్ సాధించాయి. అయితే ఈ రెండు సినిమాలకు హిట్ టాక్ వచ్చినా ఈ సినిమాలు 50 కోట్ల రూపాయల షేర్ కలెక్షన్లను మాత్రం సొంతం చేసుకోలేదు. మరోవైపు ఈ ఏడాది సంక్రాంతి కానుకగా నాగార్జున, నాగచైతన్య కలిసి నటించిన బంగార్రాజు సినిమా విడుదలైంది.
సంక్రాంతికి రిలీజైన మరే సినిమాకు హిట్ టాక్ రాకపోవడంతో బంగార్రాజు 50 కోట్ల రూపాయల షేర్ కలెక్షన్లను సాధించడం ఖాయమని ఫ్యాన్స్ భావించారు. ఫస్ట్ వీకెండ్ కలెక్షన్లు సైతం ఆశాజనకంగా ఉండటంతో బంగార్రాజు సులువుగానే టార్గెట్ ను రీచ్ అవుతుందని ఫ్యాన్స్ భావించగా ఫుల్ రన్ లో ఈ సినిమా 42 కోట్ల రూపాయల మార్క్ దగ్గరే ఆగిపోయే అవకాశాలు కనిపిస్తున్నాయి. నాగార్జున నటించిన సోగ్గాడే చిన్నినాయన 47 కోట్ల రూపాయలకు అటూఇటుగా షేర్ కలెక్షన్లు సాధించగా ఊపిరి సినిమా 53 కోట్ల రూపాయల షేర్ కలెక్షన్లను సొంతం చేసుకుంది.
ఊపిరి సినిమాతో నాగార్జున 50 కోట్ల రూపాయల క్లబ్ లో చేరినా ఈ సినిమా మల్టీస్టారర్ కావడంతో ఈ సినిమా సక్సెస్ ను నాగ్ ఖాతాలో వేయడం కరెక్ట్ కాదు. సోలోగా అక్కినేని హీరోలు 50 కోట్ల రూపాయల క్లబ్ లో చేరతారో లేదో చూడాల్సి ఉంది. గ్రాస్ కలెక్షన్ల విషయంలో అక్కినేని హీరోల ఖాతాలలో 50 కోట్ల రూపాయల కలెక్షన్ల రికార్డులు ఉన్నప్పటికీ 50 కోట్ల రూపాయల షేర్ కలెక్షన్ల విషయంలో మాత్రం రికార్డులు లేవు. భవిష్యత్తులోనైనా అక్కినేని హీరోలు ఈ రికార్డును సొంతం చేసుకుంటారేమో చూడాల్సి ఉంది.
ప్రస్తుతం నాగ్ ది ఘోస్ట్ సినిమాతో బిజీగా ఉండగా నాగచైతన్య థాంక్యూ సినిమాతో అఖిల్ ఏజెంట్ సినిమాతో బిజీగా ఉన్నారు. ఈ ఏడాదే ఈ సినిమాలు రిలీజయ్యే అవకాశాలు ఉన్నాయి.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
