Akshay Kumar: ‘ఆకాశం నీ హద్దురా’ రీమేక్ లో అక్షయ్ కుమార్!

బాలీవుడ్ లో ఏడాదికి నాలుగైదు సినిమాలు చేస్తూ బిజీగా గడుపుతుంటారు అక్షయ్ కుమార్. సౌత్ లో వచ్చిన చాలా సినిమాలను అక్షయ్ రీమేక్ చేసి హిట్స్ అందుకున్నారు. ఆయన నటించిన ‘బూల్ భులైయా’, ‘రౌడీ రాథోడ్’, ‘లక్ష్మీ’ లాంటి సినిమాలు సౌత్ రీమేక్ కథలే. రీసెంట్ గా ‘రాక్షసుడు’ రీమేక్ చేయడానికి రెడీ అవుతున్నారు. బెల్లంకొండ శ్రీనివాస్ నటించిన ఈ సినిమా రీమేక్ లో అక్షయ్ హీరోగా కనిపించనున్నారు. తాజాగా ఆయన దృష్టి మరో రీమేక్ పై పడిందని తెలుస్తోంది.

కోలీవుడ్ స్టార్ హీరో సూర్య నటించిన ‘సూరరై పోట్రు’ సినిమా తెలుగులో ‘ఆకాశం నీ హద్దురా’ అనే టైటిల్ తో విడుదలైంది. రెండు భాషల్లో ఈ సినిమాకి మంచి రెస్పాన్స్ వచ్చింది. లాక్ డౌన్ కారణంగా అమెజాన్ ప్రైమ్ లో ఈ సినిమాను విడుదల చేశారు. ఇప్పుడు ఈ సినిమాను హిందీలో రీమేక్ చేయబోతున్నారు. ఒరిజినల్ డైరెక్టర్ సుధా కొంగర హిందీ రీమేక్ కూడా డైరెక్ట్ చేయబోతున్నారు. ఈ సినిమాలో నటించడానికి ఆసక్తి చూపిస్తున్నారు అక్షయ్ కుమార్.

డెక్కన్ ఎయిర్ వేస్ ఫౌండర్ కెప్టెన్ జీఆర్ గోపినాథ్ జీవితం ఆధారంగా ఈ సినిమా తెరకెక్కింది. మరి హిందీలో ఈ సినిమా ఎలాంటి మార్క్ క్రియేట్ చేస్తుందో చూడాలి. అక్షయ్ నటించిన ‘బెల్ బాటమ్’, ‘సూర్యవంశీ’ వంటి సినిమాలు విడుదలకు సిద్ధంగా ఉన్నాయి.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్