బాలీవుడ్ స్టార్ హీరోయిన్ అలియాభట్ వరుస సినిమాలతో దూసుకుపోతుంది. హిందీలోనే కాకుండా ఇప్పుడు సౌత్ సినిమాల్లో కూడా నటిస్తోంది. త్వరలోనే ‘ఆర్ఆర్ఆర్’ సినిమాతో తెలుగులో ఎంట్రీ ఇవ్వబోతుంది. అలానే ఎన్టీఆర్-కొరటాల శివ కాంబినేషన్ లో తెరకెక్కుతోన్న సినిమాలో అలియాను హీరోయిన్ గా తీసుకోవాలనుకుంటున్నారు. ఇప్పటికే అలియాతో దర్శకుడు సంప్రదింపులు జరిపినట్లు తెలుస్తోంది. ఈ విషయాన్ని అలియా స్వయంగా వెల్లడించింది. ఎన్టీఆర్ తో సినిమా చేసే అవకాశాలు ఉన్నట్లుగా అలియా తెలిపింది.
ఇదిలా ఉండగా.. బాలీవుడ్ లో ఈ బ్యూటీ నటించిన ‘గంగూబాయి’ సినిమా విడుదలకు సిద్ధమవుతోంది. రీసెంట్ గా విడుదలైన ఈ సినిమా ట్రైలర్ ప్రేక్షకులను ఆకట్టుకుంటుంది. ఈ సినిమాను తెలుగులో డబ్ చేసి రిలీజ్ చేస్తున్నారు. ఈ సినిమాతో పాటు అలియాభట్ నటించిన మరో సినిమాను కూడా విడుదల కాబోతుంది. అయితే ఆ సినిమాను మాత్రం ఓటీటీలో రిలీజ్ చేయనున్నారట. జస్మీత్ కె రీన్ దర్శకత్వంలో షారుఖ్ ఖాన్ నిర్మాతగా ‘డార్లింగ్స్’ అనే సినిమాను తెరకెక్కించారు. ఇందులో అలియాభట్ ప్రధాన పాత్ర పోషించింది.
ఇప్పుడు ఈ సినిమాను నేరుగా ఓటీటీలో రిలీజ్ చేయాలనుకుంటున్నారు. ఇప్పటికే థియేటర్లలో విడుదల కావడానికి చాలా సినిమాలు క్యూ కడుతున్నాయి. పైగా కరోనా కారణంగా ప్రేక్షకులు థియేటర్లకు పెద్దగా రావడం లేదు. దీంతో ఓటీటీ రిలీజ్ కరెక్ట్ అని భావిస్తున్నారు దర్శకనిర్మాతలు. ప్రముఖ ఓటీటీ సంస్థ నెట్ ఫ్లిక్స్ ఈ సినిమాకి రూ.80 కోట్ల డీల్ ఆఫర్ చేసినట్లు సమాచారం. మరి ఈ డీల్ ఫైనల్ అవుతుందేమో చూడాలి!
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!
Home