రాజమౌళిని వెయిటింగ్ లో పెడుతోన్న బ్యూటీ!

November 11, 2020 / 12:57 PM ISTByFilmy Focus

Join Us

రాజమౌళిని వెయిటింగ్ లో పెడుతోన్న బ్యూటీ!

దర్శకధీరుడు ఎస్.ఎస్.రాజమౌళి రూపొందిస్తోన్న నూతన చిత్రం ‘ఆర్ఆర్ఆర్’. రామ్ చరణ్, ఎన్టీఆర్ లు హీరోలుగా నటిస్తోన్న ఈ చిత్రాన్ని డీవీవీ ఎంటర్టైన్మెంట్ బ్యానర్ పై తెరకెక్కిస్తున్నారు. ఈ సినిమాలో రామ్ చరణ్ అల్లూరి సీతారామరాజు పాత్రను పోషిస్తుండగా.. ఎన్టీఆర్ కొమరం భీమ్ గా కనిపించనున్నారు. ఇప్పటికే వీరి పాత్రలను పరిచయం చేస్తూ టీజర్లను రిలీజ్ చేశారు. ఈ రెండు టీజర్లు యూట్యూబ్ లో రికార్డులను నెలకొల్పాయి. ప్రేక్షకుల్లో అంచనాలను పెంచేశాయి.

ప్రస్తుతం ఈ సినిమాకి సంబంధించిన కీలక సన్నివేశాలను హైదరాబాద్ లో చిత్రీకరిస్తున్నారు. ఈ సినిమాలో చరణ్ సరసన బాలీవుడ్ భామ అలియాభట్ కనిపించనుంది. నిజానికి ఈమె నవంబర్ తొలివారంలోనే షూటింగ్ లో పాల్గొంటుందని చిత్రబృందం వెల్లడించింది. కానీ ఇప్పటివరకు ఆమె హైదరాబాద్ లో అడుగుపెట్టలేదు. అలియా షూటింగ్ లో పాల్గొనడానికి మరింత ఆలస్యం అవుతుందని తెలుస్తోంది. ప్రస్తుతం ఈ బ్యూటీ సంజయ్ లీలా భన్సాలీ తెరకెక్కిస్తోన్న ‘గంగూబాయ్‌ కథియావాడి’ సినిమాలో నటిస్తోంది.

Rajamouli showing special interest of Alia Bhatt for RRR movie

ముంబైలో షూటింగ్ జరుపుకుంటున్న ఈ సినిమా నవంబర్ తొలి వారంలోనే పూర్తి కావాల్సివుంది. కానీ ఇప్పుడు ఈ షెడ్యూల్ ని మరో రెండు వారాల పాటు పొడిగించినట్లు తెలుస్తోంది. దీంతో అలియా ‘ఆర్ఆర్ఆర్’ టీమ్ తో జాయిన్ కావడానికి మరింత ఆలస్యం అవుతుందని తెలుస్తోంది.