కమర్షియల్ ఎంటర్టైనర్ గా ఆనంద్ దేవరకొండ రెండో సినిమా?

సెన్సేషనల్ స్టార్‌ విజయ్‌ దేవరకొండ తమ్ముడు ఆనంద్ దేవరకొండ ‘దొరసాని’ చిత్రంతో ఎంట్రీ ఇచ్చిన సంగతి తెలిసిందే. గత శుక్రవారం విడుదలైన ఈ చిత్రానికి డివైడ్ టాక్ వచ్చింది. అయినప్పటికీ కలెక్షన్లు బాగానే వస్తుడడం విశేషం. అయితే ఈ చిత్రం ఆనంద్ దేవరకొండ తన నటనతో పర్వాలేదనిపించినప్పటికీ ఎక్కువ మార్కులు మాత్రం ఈ చిత్రం హీరోయిన్ శివాత్మిక నే కొట్టేసింది. ఇదిలా ఉంటే.. మొదటి చిత్రం అన్నయ సాయం లేకుండా పాస్ మార్కులు వేయించుకున్నాడు కాబట్టి తన తర్వాతి చిత్రానికి సంబందించిన పనుల్లో విజయ్ కూడా ఇన్వాల్వ్ అవుతున్నాడట.

మొదటి చిత్రంతో ప్రయోగం చేసిన ఆనంద్… రెండో చిత్రాన్ని మాత్రం పక్కా కమర్షియల్ ఎంటర్‌టైనర్‌ను ఎంచుకున్నాడట. ఇప్పటికే ఆనంద్‌ రెండో చిత్రానికి సంబంధించిన స్టోరీ డిస్కషన్లు పూర్తయ్యాయట. ‘భవ్యక్రియేషన్స్‌’ సంస్థ ఓ కొత్త దర్శకుడితో ఈ చిత్రాన్ని నిర్మించబోతుందని టాక్. నిజానికి ఈ కథ విజయ్‌ కోసం దర్శకుడు తయారు చేసుకొన్నాడట. ఇప్పుడు విజయ్ వరుస సినిమాలతో బిజీగా ఉండడంతో… తన తమ్మడు ఆనంద్ తో తీస్తున్నాడట. ఈ చిత్రానికి సంబందించిన అధికారిక ప్రకటన త్వరలో రానుందని సమాచారం.