మాస్ మహారాజ్ రవితేజ ‘క్రాక్’ తో హిట్టు కొట్టి మళ్లీ ఫామ్లోకి వచ్చారు. ఇప్పుడు వరుస సినిమాలను లైన్లో పెట్టి క్షణం తీరిక లేకుండా గడుపుతున్నాడు. కెరీర్ ప్రారంభంలో చిన్న చిన్న పాత్రలు వేస్తూ వచ్చిన రవితేజకి అతని స్నేహితుడు పూరి మంచి బ్రేక్ ఇచ్చాడు. అక్కడి నుండీ రవితేజ కెరీర్ యూ టర్న్ తీసుకుంది. అప్పటి నుండీ ఆయన వెనక్కి తిరిగి చూసుకోవాల్సిన అవసరం రాలేదు. ‘క్లాప్ బాయ్ టు స్టార్ హీరో’ అనే ట్యాగ్ గురించి చెప్పుకుంటే మనం రవితేజ గురించి చెప్పుకోవాలి.
ఇదిలా ఉండగా.. రవితేజ తన కొడుకుని కూడా హీరోగా పరిచయం చేస్తున్నాడు అనే వార్త ఫిలింనగర్ లో చక్కర్లు కొడుతోంది. అతని పేరు మహాధన్. ఆల్రెడీ ఇతను సినీరంగ ప్రవేశం చేసి 5 ఏళ్ళు పూర్తి కాస్తోంది. ‘రాజా ది గ్రేట్’ చిత్రంలో రవితేజ చిన్నప్పటి పాత్రని పోషించాడు మహాధన్.ఇతను హీరోగా ఎంట్రీ ఇస్తాడా? అని గతంలో రవితేజని అడిగితే చదువు పూర్తవ్వనివ్వండి. ఆడికి ఇష్టమైతే నేను అడ్డు చెప్పను అంటూ చెప్పుకొచ్చాడు.
అయితే ఇటీవల రవితేజకి ఓ యూత్ ఫుల్ లవ్ స్టోరీని వివరించాడట ఓ రైటర్. ఇది రవితేజకి నచ్చింది. మహాధన్ కు ఇది కరెక్ట్ గా సరిపోతుంది అని రవితేజ ఆలోచన. దీంతో రవితేజ మనసు మార్చుకుని మహాధన్ ను హీరోగా పరిచయం చేయడానికి ప్రయత్నాలు మొదలు పెట్టినట్టు సమాచారం. ఇందుకు దర్శకుడిగా అనిల్ రావిపూడిని అనుకుంటున్నాడట. అనిల్ కు మాస్ పల్స్ బాగా తెలుసు. రవితేజ కొడుకు ఎంట్రీకే కాదు ఏ హీరో కొడుకుని లాంచ్ చేయడానికి అయినా ఇతను పర్ఫెక్ట్ ఛాయిస్ అని చెప్పొచ్చు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
