మహేష్ మూవీలో అల్లరి నరేష్

సూపర్ స్టార్ మహేష్ బాబు ప్రస్తుతం మురుగదాస్ దర్శకత్వంలో సినిమా చేస్తున్నారు. భారీ బడ్జెట్ తో ఏకకాలంలో తెలుగు, తమిళంలో తెరకెక్కుతోన్న ఈ చిత్రం షూటింగ్ చివరి దశకు చేరుకుంది. ఈ మూవీ జూన్ 23 రిలీజ్ అవుతున్నప్పటికీ, అంతకంటే ముందు అంటే మే నెలలలోనే ప్రిన్స్ నెక్స్ట్ ప్రాజక్ట్ మొదలెట్టనున్నారు. శ్రీమంతుడు వంటి ఇండస్ట్రీ హిట్ ఇచ్చిన కొరటాల శివతో “భరత్ అను నేను” అనే మూవీ చేస్తున్నారు. ఇది వచ్చే నెల నుంచి రెగ్యులర్ షూటింగ్ జరుపుకోనుంది. ఇక దీని తర్వాత మహేష్ కెరీర్ లో ప్రత్యేకమైన 25 వ సినిమాను వంశీ పైడిపళ్లితో చేస్తున్నారు. ప్రముఖ నిర్మాత దిల్ రాజు నిర్మిస్తున్న ఈ సినిమాకి ప్రీ ప్రొడక్షన్ వర్క్ జోరుగా సాగుతోంది.

ఎక్కువ భాగం అమెరికాలో సాగే ఈ సినిమాలో ఓ కీలక పాత్రకు అల్లరి నరేష్ ని డైరక్టర్  సంప్రదించారని, అందుకు ఆయన ఒకే చెప్పినట్లు తెలిసింది. ఈ విషయాన్నీ త్వరలోనే చిత్ర బృందం అధికారికంగా ప్రకటించనుంది. అత్యంత వేగంగా 50 సినిమాలు పూర్తి చేసిన నవ్వుల హీరోకి కొంతకాలంగా విజయాలు వరించడం లేదు. మహేష్ బాబు మూవీతోనైనా అల్లరి నరేష్ మళ్ళీ హిట్ ట్రాక్ లోకి వస్తారని ఆశిద్దాం.

Also, do SUBSCRIBE to our YouTube channel to get latest Tollywood updates.