ఒకప్పుడు వరుసగా కామెడీ సినిమాల్లో నటించి స్టార్ స్టేటస్ దక్కించుకున్న అల్లరి నరేష్… తర్వాత ఊహించని విధంగా వరుస ప్లాపులు మూటగట్టుకున్నాడు. 8 ఏళ్ళ వరకు అతనికి హిట్టు లేకుండా పోయింది. ‘జబర్దస్త్’ వంటి కామెడీ షోలు ఊపందుకోవడంతో జనాలు కామెడీ కోసం థియేటర్ కు రావడం తగ్గించారు. దీంతో అల్లరి నరేష్ సినిమాలకు డిమాండ్ తగ్గిపోయింది. అప్పటినుండి కామెడీని పక్కన పెట్టి తనలోని నటుడికి పని చెప్పే ప్రయత్నం చేస్తున్నాడు అల్లరి నరేష్.
ఈ క్రమంలో ‘మహర్షి’ ‘నాంది’ ‘ఇట్లు మారేడుమిల్లి ప్రజానీకం’ వంటి చిత్రాల్లో డెప్త్ ఉన్న పాత్రలు చేశాడు. ‘మహర్షి’ ‘నాంది’ హిట్ అయ్యాయి కానీ ‘ఇట్లు మారేడుమిల్లి ప్రజానీకం’ ప్లాప్ అయ్యింది. ప్రస్తుతం ‘నాంది’ దర్శకుడు విజయ్ కనకమేడలతో ‘ఉగ్రం’ అనే ఓ కాప్ డ్రామా చేస్తున్నాడు అల్లరి నరేష్. షైన్ స్క్రీన్స్ బ్యానర్ పై హరీష్ పెద్ది, సాహు గారపాటి నిర్మిస్తున్న ఈ చిత్రం టీజర్ ఈరోజు రిలీజ్ అయ్యింది.
టీజర్ కొత్తగా ఏమీ లేదు కానీ అల్లరి నరేష్ ను సీరియస్ కాప్ గా చూడటం కొత్త ఫీలింగ్ ను కలిగిస్తుంది. ఇదిలా ఉండగా.. అల్లరి నరేష్ త్వరలో నాగార్జునతో కలిసి ఓ సినిమాలో నటిస్తున్నట్లు ప్రచారం జరిగిన సంగతి తెలిసిందే. తాజాగా ఆ వార్త పై అల్లరి నరేష్ స్పందించాడు. ‘నాగార్జున గారికి నేను పెద్ద అభిమానిని. ఆయనతో ఓ సినిమా చేయడానికి కథా చర్చలు జరుగుతున్న మాట నిజం.
కానీ ఇంకా నేను ఆ ప్రాజెక్ట్ కి సైన్ చేయలేదు. కొన్ని డిస్కషన్స్ జరుగుతున్నాయి. అన్నీ సెట్ అయ్యాక ప్రొడక్షన్ హౌస్ వాళ్ళు దాని పై క్లారిటీ ఇస్తారు. ప్రస్తుతం నేను ఆ ప్రాజెక్టు గురించి ఎక్కువ మాట్లాడకూడదు.’ అంటూ చెప్పుకొచ్చాడు అల్లరి నరేష్.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
