వి.ఐ ఆనంద్ కు మరో ఛాన్స్ ఇచ్చిన అల్లు హీరో

ఎప్పుడూ హిట్ డైరక్టర్స్ తో సినిమాలు చేయడానికి ఆసక్తి కనబరిచే అల్లు అర్జున్ ఈ మధ్య కొత్త వారికి, ఫ్లాప్ డైరక్టర్ తో సినిమాలు చేయడానికి ఒకే చెబుతున్నారు. దువ్వాడ జగన్నాథం తర్వాత బన్నీ ప్రముఖ రచయిత వక్కంతం వంశీ దర్శకత్వంలో “నా పేరు సూర్య” సినిమా చేస్తున్నారు. దీని తర్వాత ఫ్లాప్ డైరక్టర్ తో సినిమా చేయడానికి గ్రీన్ సిగ్నల్ ఇచ్చినట్లు తెలిసింది. వివరాల్లోకి వెళితే… “ఎక్కడికి పోతావు చిన్నవాడా” సినిమాతో వి.ఐ ఆనంద్ దర్శకుడిగా తొలి విజయాన్ని అందుకున్నారు. అంతకముందు చేసిన మూడు సినిమాలు ఫెయిల్ అయినప్పటికీ.. ఈ సినిమా టేకింగ్ నచ్చి అందరూ అభినందించారు.

అల్లు అర్జున్ అయితే అభిఅందించడమే కాకుండా తనకోసం ఓ కథని రెడీ చేయమని చెప్పారు. అలాగే తమ్ముడు శిరీష్ కి హిట్ ఇవ్వమని కోరారు. దాంతో అల్లు శిరీష్ తో “ఒక్క క్షణం” అనే చిత్రాన్ని ఆనంద్ తెరకెక్కించారు. ఈ చిత్రం ఫెయిల్ అయినప్పటికీ అల్లు అర్జున్ తన మాటను నిలుపుకునే ప్రయత్నంలో ఉన్నారు. నా పేరు సూర్య తర్వాత ఆనంద్ తో సినిమా చేయడానికి ఉత్సాహంగా ఉన్నారు. అందుకే ఆనంద్ బన్నీ కోసం స్క్రిప్ట్ డెవలప్ చేస్తున్నారు. ఈ స్క్రిప్ట్ బన్నీకి నచ్చితే వెంటనే సెట్స్ మీదకు వెళ్ళిపోతుంది.