Allu Arjun, Trivikram: బన్నీ – త్రివిక్రమ్‌ కాంబినేషన్‌కి అంతా రెడీనా?

September 12, 2022 / 12:39 PM ISTByFilmy Focus

Join Us

Allu Arjun, Trivikram: బన్నీ – త్రివిక్రమ్‌ కాంబినేషన్‌కి అంతా రెడీనా?

త్రివిక్రమ్‌ తీసే సినిమాలన్నీ విజయం అందుకోకపోవచ్చు.. అయితే అల్లు అర్జున్‌తో తీసే ప్రతి సినిమా విజయం అందుకునేదే. కావాలంటే మీరే చూడండి. ‘జులాయి’, ‘సన్నాఫ్‌ సత్యమూర్తి’, ‘అల వైకుంఠపురములో’ ఇలా వరుసగా హిట్లు కొట్టి హ్యాట్రిక్‌ సాధించారు త్రివిక్రమ్‌ – బన్నీ. ఈ క్రమంలో కొత్త హ్యాట్రిక్‌ కోసం ప్లాన్‌ చేస్తున్నారా? అవుననే అంటున్నాయి టాలీవుడ్‌ వర్గాలు. ఈ సినిమా గురించి ఇప్పుడే మాట్లాడుకోవడం ఎర్లీ కావొచ్చు కానీ.. ప్లానింగ్‌ అయితే అవుతోందట.

‘పుష్ప 2’ సినిమా తర్వాత అల్లు అర్జున్‌ సినిమా ఏంటి? చాలా రోజులుగా ఈ ప్రశ్న వినిపిస్తూనే ఉంది. ఎందుకంటే చాలామంది దర్శకుల పేర్లు వినిపించినా ఏదీ ఓకే కావడం లేదు. ఆ దర్శకుల్లో కొత్త కుర్రాల్లు, సీనియర్‌ స్టార్‌ దర్శకులు కూడా ఉన్నారు. అంతేకాదు బాలీవుడ్‌ దర్శకులు కూడా ఉన్నారు. ఇప్పుడు ఆ లిస్ట్‌లో త్రివిక్రమ్‌ పేరు వచ్చి చేరింది. ‘పుష్ప 2’ తర్వాత ఫుల్‌ లెంగ్త్‌ ఫ్యామిలీ ఎంటర్‌టైనర్‌ చేయాలని అల్లు అర్జున్‌ అనుకుంటున్నాడట. అందుకే త్రివిక్రమ్‌ పేరు లిస్ట్‌లోకి వచ్చింది అని చెబుతున్నారు.

బన్నీకి వరుస పరాజయాల తర్వాత ‘అల వైకుంఠపురములో’తో సరైన విజయం అందించారు త్రివిక్రమ్‌. ఇప్పుడు మహేష్‌బాబుతో సినిమా కోసం పనులు జరుగుతున్నాయి. ఇప్పటికే సినిమా మొదలవ్వాల్సి ఉన్నా.. ఇంతవరకు పనులు మొదలవ్వలేదు. కథ, కథనం లెక్క తేలగా… కాస్టింగ్‌, క్రూ విషయంలో నిర్ణయాలు జరుగుతున్నాయి. త్వరలో దీన్ని ఫైనలైజ్‌ చేసుకొని సినిమా మొదలుపెడతారట. ఈ సినిమా పూర్తియ్యే సమయానికి అటు ‘పుష్ప 2’ పూర్తి చేస్తారట బన్నీ.

Ala Vaaikunthapurramuloo Allu Arjun Trivikram

ఆ వెంటనే బన్నీ – త్రివిక్రమ్‌ల సినిమా మొదలవుతుంది అని అంటున్నారు. నిజానికి మహేష్‌ సినిమా తర్వాత త్రివిక్రమ్‌ – రామ్‌చరణ్‌ సినిమా ఉండొచ్చు అని ఆ మధ్య వార్తలొచ్చాయి. కానీ ఇప్పుడు బన్నీ సినిమా చర్చల్లోకి వచ్చింది. మరి ఈ ఇద్దరిలో ఎవరితో ముందు సినిమా ఉంటుందో చూడాలి. వీటిలో ఏది వచ్చినా.. భారీ అంచనాలు పక్కా.