సంక్రాంతి రేస్ లో ముందంజలో స్టైలిష్ స్టార్

సంక్రాంతికి తమ సినిమాలను విడుదల చేయడానికి మన తెలుగు స్టార్ హీరోలతోపాటు తమిళ స్టార్ హీరోలు కూడా ఎక్కడలేని ఉత్సాహం చూపిస్తుంటారు. వచ్చే ఏడాది సంక్రాంతికి మన స్టార్ హీరోలు అప్పుడే ప్లానింగ్ కూడా పూర్తి చేసుకొన్నారు. మహేష్ బాబు “సరిలేరు నీకెవ్వరు”, బాలకృష్ణ “క్రాంతి” (వర్కింగ్ టైటిల్) మరియు అల్లు అర్జున్-త్రివిక్రమ్ కాంబినేషన్ సినిమాలు ఆల్రెడీ సంక్రాంతి స్లాట్ ను బుక్ చేసుకొన్నారు.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

కానీ.. ఈ ముగ్గురు హీరోల్లో అల్లు అర్జున్ ఒక్కడే తన సినిమా షూటింగ్ మొదలుపెట్టడమే కాక మొదటి షెడ్యూల్ ను పూర్తి చేసుకొని.. సెకండ్ షెడ్యూల్ కూడా మొదలెట్టేశాడు. కానీ.. మహేష్ బాబు కానీ, బాలయ్య కానీ ఇప్పటివరకూ కనీసం షూటింగ్ కూడా మొదలెట్టలేదు. ఈ మూడు సినిమాలు జనవరిలో విడుదలవ్వాలంటే నవంబర్ చివరికల్లా షూటింగ్ పూర్తవ్వాలి. అలాంటిది బాలయ్య, మహేష్ లు ఇంకా షూటింగ్ కూడా మొదలెట్టలేదు. మరి వాళ్ళ షూటింగ్ ఎప్పుడు మొదలవుతుంది? ఎప్పటికీ పోస్ట్ ప్రొడక్షన్ వర్క్ మొదలవుతుంది అనేది తెలియాల్సి ఉంది. ప్రస్తుతానికైతే.. మహేష్ బాబు, బాలకృష్ణల కంటే అల్లు అర్జున్ రెండు అడుగులు ముందే ఉన్నాడు.