ఐకాన్ స్టార్ అల్లు అర్జున్ పుష్ప ది రైజ్ సినిమాతో గతేడాది బాక్సాఫీస్ వద్ద సంచలన విజయాన్ని ఖాతాలో వేసుకున్న సంగతి తెలిసిందే. అతి త్వరలో పుష్ప ది రూల్ రెగ్యులర్ షూటింగ్ మొదలుకానుందని సమాచారం అందుతోంది. పుష్ప ది రూల్ సినిమాపై భారీ అంచనాలు నెలకొనగా షూటింగ్ మొదలుకాకుండానే ఈ సినిమాకు రికార్డు స్థాయిలో బిజినెస్ ఆఫర్లు వస్తున్నాయి. తాజాగా బింబిసార సినిమాను చూసిన అల్లు అర్జున్ ఈ సినిమా గురించి తన అభిప్రాయాన్ని పంచుకున్న సంగతి తెలిసిందే.
బింబిసార సినిమాకు సినిమాటోగ్రాఫర్ గా పని చేసిన ఛోటా కె నాయుడు బన్నీ బింబిసార గురించి ఫోన్ లో మాట్లాడిన విషయాలను వెల్లడించారు. కళ్యాణ్ రామ్ ఏంటన్నా అలా చేసేశాడని కన్ను ఆర్పకుండా సినిమా చూశానని బన్నీ చెప్పారని ఛోటా కె నాయుడు చెప్పుకొచ్చారు. మంచి సినిమా తీస్తే థియేటర్లకు జనాలు ఎందుకు రారని బన్నీ అన్నారని ఛోటా కె నాయుడు కామెంట్లు చేశారు. జనం వస్తారని సినిమా సచ్చిపోదని బన్నీ అన్నారని మంచి సినిమా తీయాలి..
తీద్దాం అని ఆయన చెప్పారని ఛోటా కె నాయుడు చెప్పుకొచ్చారు. బన్నీ ట్విట్టర్ లోనే కాకుండా ఫోన్ లో కూడా బింబిసార సినిమా గురించి పాజిటివ్ గా చెప్పడంతో నందమూరి అభిమానులు సంతోషిస్తున్నారు. ఈ మధ్య కాలంలో నందమూరి హీరోల గురించి బన్నీ తరచూ పాజిటివ్ గా చెబుతుండటం గమనార్హం.
భవిష్యత్తులో నందమూరి హీరోలతో కలిసి బన్నీ మల్టీస్టారర్ చేస్తారేమో చూడాల్సి ఉంది. బన్నీ ప్రస్తుతం సొంతంగా ఫ్యాన్ ఫాలోయింగ్ ను అంతకంతకూ పెంచుకోవడానికి ప్రయత్నిస్తున్నారు. ఇతర హీరోల అభిమానులను కూడా కలుపుకుంటూ ముందుకెళ్లడానికి బన్నీ ప్రయత్నిస్తున్నారు. తర్వాత ప్రాజెక్ట్ లు కూడా సక్సెస్ సాధిస్తే బన్నీ రేంజ్ మరింత పెరిగే ఛాన్స్ అయితే ఉంటుందని చెప్పవచ్చు.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
