“కిక్, టెంపర్” వంటి సెన్సేషనల్ హిట్స్ అనంతరం రైటర్ వక్కంతం వంశీకి భీభత్సమైన స్టార్ డమ్ వచ్చింది. అసలు అతడు దర్శకుడిగా తెరకెక్కించే తొలి చిత్రం ఎన్టీఆర్ తో అని టాక్ కూడా రావడంతో వంశీకి డిమాండ్ పెరిగింది. కానీ.. వంశీ కథ అందించిన “కిక్ 2” ఆల్ టైమ్ డిజాస్టర్ గా నిలవడంతో.. ఎన్టీఆర్ హ్యాండ్ ఇచ్చాడు. కానీ.. అదే కథతో అల్లు అర్జున్ తో “నా పేరు సూర్య” సినిమా తీశాడు వక్కంతం వంశీ. ఆ సినిమా కూడా ఫ్లాప్ అవ్వడంతో టాలీవుడ్ లో వంశీకి మరో ఆఫర్ లభించలేదు.
నా పేరు సూర్య విడుదలై రెండేళ్లు కావస్తున్నా.. ఇప్పటివరకూ వంశీ మరో తెలుగు సినిమా సైన్ చేయలేదు.అలాగే రచయితగానూ అతడికి మరో ఆఫర్ దక్కలేదు. దాంతో.. తెలుగు ఇండస్ట్రీని పట్టుకొని కూర్చుంటే పెద్దగా లాభం లేదని భావించిన వంశీ.. కన్నడకు షిఫ్ట్ అయ్యాడు. కన్నడలో టాప్ హీరో అయిన దర్శన్ కు ఈమధ్య ఒక కథ చెప్పాడట వంశీ. ఆ కథ నచ్చడంతో.. దర్శన్ కూడా వెంటనే ఒకే చెప్పాడట. త్వరలోనే ఈ ప్రొజెక్ట్ సెట్స్ కు వెళ్ళే అవకాశం ఉంది. తెలుగులో మంచి స్టార్ డమ్ ఉన్న హీరోయిన్ మరియు ఆర్టిస్టులను తీసుకొని.. తెలుగు-కన్నడ బైలింగువల్ గా ఆ చిత్రాన్ని తెరకెక్కీంచేందుకు సన్నాహాలు చేస్తున్నాడట వంశీ. మరి ఈ ప్రొజెక్ట్ ఎంతవరకు వర్కవుట్ అవుతుందో చూడాలి.
సైరా నరసింహారెడ్డి చిత్రంలోని పవర్ ఫుల్ డైలాగ్స్
సైరా సినిమా రివ్యూ & రేటింగ్!
