Allu Arjun: కోలీవుడ్ మూవీకి బన్నీ ఓకే చెబుతారా?

స్టార్ హీరో బన్నీ అల వైకుంఠపురములో సినిమా సక్సెస్ తో పెరిగిన క్రేజ్ ను కాపాడుకుంటూ కొత్త సినిమాల ఎంపిక విషయంలో జాగ్రత్తలు తీసుకుంటున్నారు. ప్రస్తుతం పుష్ప పార్ట్1లో బన్నీ నటిస్తుండగా ఈ సినిమా తర్వాత బన్నీ ఐకాన్ సినిమాలో నటిస్తారని వార్తలు వస్తున్నాయి. అయితే ఐకాన్ మూవీ ఎప్పుడూ మొదలవుతుందో స్పష్టత రావడం లేదు. మరోవైపు పలువురు స్టార్ డైరెక్టర్లు బన్నీతో సినిమా తీయాలని ప్రయత్నాలు చేస్తున్నారు.

అయితే ఇండస్ట్రీ వర్గాల్లో తమిళంలో గతేడాది విడుదలై బ్లాక్ బస్టర్ హిట్ గా నిలిచిన ఓ మై కడవులే రీమేక్ లో ముఖ్య పాత్రలో బన్నీ నటిస్తారని వినిపిస్తోంది. తమిళంలో విజయ్ సేతుపతి నటించిన పాత్రలో తెలుగులో బన్నీ నటిస్తారని సమాచారం. అయితే బన్నీ నుంచి స్పందన వస్తే మాత్రమే ఈ వార్తలో నిజానిజాలు తెలిసే అవకాశం ఉంటుంది. తమిళంలో అశోక్ సెల్వన్, రితికా సింగ్ ఈ సినిమాలో జంటగా నటించగా తెలుగులో విశ్వక్ సేన్, మిథిలా ఫాల్కూర్ ఈ మూవీలో నటిస్తున్నారు.

మరోవైపు అల్లు అర్జున్ పుష్ప పార్ట్1ను క్రిస్మస్ కానుకగా రిలీజ్ చేయనున్నట్టు ప్రకటించారు. సంక్రాంతికి పోటీ ఎక్కువగా ఉండటంతో బన్నీ రిలీజ్ డేట్ విషయంలో సరైన నిర్ణయం తీసుకున్నారనే కామెంట్లు వ్యక్తమవుతున్నాయి. తెలుగులో ఈ సినిమాకు పోటీ లేకపోయినా బాలీవుడ్ లో అదే సమయానికి లాల్ సింగ్ చద్దా మూవీ రిలీజ్ కానుంది. లాల్ సింగ్ చద్దా మూవీ పుష్ప మూవీ కలెక్షన్లపై కొంతమేర ప్రభావం చూపే అవకాశాలు అయితే ఉన్నాయి.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!