Allu Arjun: బన్నీ సైలెన్స్ కు అసలు రీజన్ ఇదేనా?

ఐకాన్ స్టార్ అల్లు అర్జున్ భిన్నమైన కథమైన ఎంచుకుంటూ ఆ కథలకు పూర్తిస్థాయిలో న్యాయం చేయడానికి ఎంతో కష్టపడుతున్న సంగతి తెలిసిందే. పుష్ప పార్ట్1 క్రిస్మస్ కానుకగా రిలీజ్ కానుండగా బన్నీ తరువాత ప్రాజెక్ట్ కు సంబంధించి అధికారిక ప్రకటన రావాల్సి ఉంది. వకీల్ సాబ్ సినిమాతో హిట్ సాధించిన వేణు శ్రీరామ్ ఐకాన్ స్క్రిప్ట్ ను ఇప్పటికే పూర్తి చేశారు. ఏ కారణం చేతనైనా ఐకాన్ ఆలస్యమయ్యే అవకాశాలు ఉంటే బోయపాటి శ్రీను డైరెక్షన్ లో నటించాలని బన్నీ భావిస్తున్నారని తెలుస్తోంది.

కొన్నేళ్ల క్రితం బన్నీ బోయపాటి శ్రీను కాంబినేషన్ లో సరైనోడు సినిమా తెరకెక్కి బాక్సాఫీస్ వద్ద బ్లాక్ బస్టర్ హిట్ గా నిలిచింది. క్రిటిక్స్ నుంచి నెగిటివ్ రివ్యూలు వచ్చినా సరైనోడు భారీస్థాయిలో కలెక్షన్లను సాధించడంతో పాటు బన్నీ కెరీర్ లోని స్పెషల్ సినిమాలలో ఒకటిగా నిలిచింది. సరైనోడు బన్నీకి ఫ్యాన్ ఫాలోయింగ్ ను పెంచడంతో పాటు ఉత్తరాంధ్రలో ఈ మూవీకి రికార్డు స్థాయిలో కలెక్షన్లు వచ్చాయి. ప్రస్తుతం బోయపాటి శ్రీను అఖండ సినిమా షూటింగ్ పనులతో బిజీగా ఉన్నారు.

బోయపాటి శ్రీను తర్వాత ప్రాజెక్ట్ సైతం ఫిక్స్ కాలేదు. బన్నీ పుష్ప పార్ట్1 షూటింగ్ పూర్తైన తర్వాత కొత్త ప్రాజెక్ట్ కు సంబంధించిన వివరాలను ప్రకటించాలని భావిస్తున్నట్టు తెలుస్తోంది. బన్నీ వేణు శ్రీరామ్ డైరెక్షన్ లో నటిస్తారో లేక బోయపాటి శ్రీను డైరెక్షన్ లో నటిస్తారో చూడాల్సి ఉంది. బోయపాటి శ్రీను సైతం బన్నీతో సినిమాను తెరకెక్కించాలని ఆసక్తి చూపిస్తున్నారని తెలుస్తోంది. బన్నీ సైలెన్స్ కు పరోక్షంగా ఐకాన్ సినిమా కారణమని సమాచారం.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!