రెమ్యునరేషన్ విషయంలో పవన్ ని ఫాలో అవుతున్న అల్లు అర్జున్

చెప్పను బ్రదర్ అంటూనే అల్లు అర్జున్.. పవన్ కళ్యాణ్ ని ఫాలో అవుతున్నారు. అతను చేసినట్లుగానే బన్నీ చేస్తున్నారు. కాటమరాయుడు సినిమాకి పవన్ రెమ్యునరేషన్ తీసుకోలేదు. ఆ సినిమా నైజాం థియేటర్స్ కి వచ్చిన మొతాన్ని తీసుకున్నారు. అదే రూట్లో అల్లు అర్జున్ వెళ్తున్నారు. ప్రస్తుతం బన్నీ హరీష్ శంకర్ దర్శకత్వంలో దువ్వాడ జగన్నాథం సినిమా చేస్తున్నారు. ప్రముఖ నిర్మాత దిల్ రాజు నిర్మిస్తున్న ఈ సినిమా ఈనెల 23 న రిలీజ్ కాబోతోంది. సరైనోడు తర్వాత అల్లు అర్జున్ చేస్తున్న ఈ మూవీపై భారీ అంచనాలు ఉన్నాయి.

ఈ చిత్రానికి స్టైలిష్ స్టార్ పారితోషికం అందుకోలేదు. కృష్ణ, ఈస్ట్ గోదావరి, వెస్ట్ గోదావరి ఏరియాల్లో చిత్రం థియేటర్స్ రైట్స్ మొత్తాన్ని రెమ్యునరేషన్ గా తీసుకుంటున్నారు. ఈ మూడు ఏరియాల్లో 15 కోట్లు పైనే వస్తుందని ట్రేడ్ వర్గాల వారు చెబుతున్నారు. అయితే అల్లు అర్జున్ ఒక సినిమాకి 15 కోట్లు అందుకునే స్థాయికి ఎదిగిపోయాడన్నమాట.

Also, do SUBSCRIBE to our YouTube channel to get latest Tollywood updates.