బుల్లితెర రియాలిటీ షోలలో ఒకటైన బిగ్ బాస్ షో తెలుగులో విజయవంతంగా ఐదు సీజన్లను పూర్తి చేసుకుంది. ఈ షోపై నెటిజన్ల నుంచి కొన్ని విమర్శలు వచ్చినా ఈ షోను అభిమానించే అభిమానులు సైతం భారీ స్థాయిలోనే ఉండటం గమనార్హం. త్వరలో బిగ్ బాస్ ఓటీటీ హాట్ స్టార్ లో ప్రసారం కానుందని తెలుస్తోంది. ప్రస్తుతం బిగ్ బాస్ ఓటీటీ కొరకు కంటెస్టెంట్ల ఎంపిక ప్రక్రియ జరుగుతోంది. అయితే బిగ్ బాస్ ఓటీటీలో బన్నీ క్లోజ్ ఫ్రెండ్ నవదీప్ కూడా ఉంటారని తెలుస్తోంది.
బిగ్ బాస్ ఓటీటీ కోసం కొత్త కంటెస్టెంట్లతో పాటు గత సీజన్ల కంటెస్టెంట్లకు కూడా ఛాన్స్ ఇస్తుండటం గమనార్హం. అయితే ఈ షోలో పాల్గొనడానికి నవదీప్ గ్రీన్ సిగ్నల్ ఇచ్చారా? లేదా? అనే ప్రశ్నకు సమాధానం దొరకాల్సి ఉంది. తెలుగులోని రియాలిటీ షోలలో నంబర్1 షోగా బిగ్ బాస్ షో పేరుప్రఖ్యాతులు సంపాదించుకుంది. బిగ్ బాస్ ఓటీటీ వెర్షన్ కు కూడా నాగార్జునే హోస్ట్ గా వ్యవహరించనున్నారని సమాచారం. బిగ్ బాస్ ఓటీటీ వెర్షన్ 24 గంటల పాటు డిస్నీ ప్లస్ హాట్ స్టార్ .లో స్ట్రీమింగ్ కానుంది.
ప్రస్తుతం ఇందుకు సంబంధించిన సెట్ పనులు జరుగుతున్నాయని బిగ్ బాస్ సీజన్ 5 కోసం వాడిన సెట్ లో స్వల్పంగా మార్పులు చేసి బిగ్ బాస్ ఓటీటీ కోసం ఆ సెట్ ను వినియోగించనున్నారని తెలుస్తోంది. 15 మంది కంటెస్టెంట్లు 82 రోజుల పాటు బిగ్ బాస్ హౌస్ లో ఉంటారని తెలుస్తోంది. సోషల్ మీడియా సెలబ్రిటీలకు కూడా ఛాన్స్ ఇవ్వనున్నారని సమాచారం. బిగ్ బాస్ హౌస్ లో ఫస్ట్ సీజన్ లో వైల్డ్ కార్డ్ కంటెస్టెంట్ గా నవదీప్ ఎంట్రీ ఇచ్చారు.
అయితే బిగ్ బాస్ షో నవదీప్ కెరీర్ కు ప్లస్ కాలేదనే కామెంట్లు ఇండస్ట్రీ వర్గాల్లో వినిపించాయి. బిగ్ బాస్ ఓటీటీపై నవదీప్ ఆసక్తి చూపుతారో లేదో చూడాల్సి ఉంది.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
