స్టార్ హీరో అల్లు అర్జున్ ప్రస్తుతం సుకుమార్ డైరెక్షన్ లో పుష్ప మూవీలో నటిస్తున్న సంగతి తెలిసిందే. ఈ సినిమా చివరి షెడ్యూల్ షూటింగ్ గోవాలో జరగనుందని తెలుస్తోంది. చివరి షెడ్యూల్ లో బన్నీ, రష్మికతో పాటు ఈ సినిమాలో విలన్ పాత్ర పోషిస్తున్న ఫహద్ ఫాజిల్ కూడా పాల్గొంటారని సమాచారం. పుష్ప పార్ట్1 పూర్తైన వెంటనే బన్నీ వేణు శ్రీరామ్ డైరెక్షన్ లో ఐకాన్ మూవీలో నటించనున్నారు. ఐకాన్ మూవీలో బన్నీ అంధుడిగా కనిపిస్తారని ప్రచారం జరుగుతున్నా ఈ ప్రచారం నిజమో అబద్ధమో తెలియాలంటే కొన్నిరోజులు ఆగాల్సిందే.
ఈ సినిమాలో బన్నీకి జోడీగా కియారా అద్వానీ లేదా అలియా భట్ నటించే అవకాశాలు ఉన్నాయని తెలుస్తోంది. ఈ ఇద్దరు హీరోయిన్లు ఇప్పటికే చరణ్ సరసన నటించారు. రామ్ చరణ్, ఎన్టీఆర్ తరువాత సినిమాలలో కియారా నటిస్తుందని ఇప్పటికే సోషల్ మీడియాలో జోరుగా వినిపిస్తోంది. కియారా అద్వానీ నో చెబితే మాత్రం ఐకాన్ ప్రొడ్యూసర్ దిల్ రాజు అలియా భట్ ను సంప్రదించే అవకాశాలు ఉన్నాయి. అయితే కియారా రెమ్యునరేషన్ తో పోలిస్తే అలియా భట్ రెమ్యునరేషన్ ఎక్కువ మొత్తం కావడం గమనార్హం.
బన్నీ ఐకాన్ సినిమా షూటింగ్ ను శరవేగంగా పూర్తి చేసి వచ్చే ఏడాది సమ్మర్ లో ఐకాన్ ను రిలీజ్ చేయాలని భావిస్తున్నట్టు తెలుస్తోంది. అల్లు అర్జున్ సినిమాలలో ఎక్కువ సినిమాలు సమ్మర్ కు రిలీజై సక్సెస్ సాధించిన సంగతి తెలిసిందే. పాన్ ఇండియా మూవీగా ఐకాన్ సినిమా తెరకెక్కనున్నట్టు తెలుస్తోంది.
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
Home