Allu Arjun, Bunny Vasu: తన కెరియర్ ఇలా ఉండడానికి ఆయనే కారణం.. అల్లు అర్జున్ ఇంట్రెస్టింగ్ కామెంట్స్!

తెలుగు చిత్ర పరిశ్రమలో అల్లు ఫ్యామిలీ గురించి మనకు తెలిసిందే. నిర్మాతగా హీరోలుగా అల్లు కుటుంబం ఇండస్ట్రీలో ఎంతో పేరు ప్రఖ్యాతలు సంపాదించుకుంది. ఇకపోతే అల్లు వారసుడు అల్లు శిరీష్ హీరోగా నటించిన ఊర్వశివో రాక్షసివో సినిమా నవంబర్ 4వ తేదీ ప్రేక్షకుల ముందుకు వచ్చి మంచి విజయం అందుకోవడంతో ఆదివారం హైదరాబాదులో ఈ సినిమా సక్సెస్ మీట్ కార్యక్రమాన్ని నిర్వహించారు. ఈ కార్యక్రమానికి ముఖ్యఅతిథిగా అల్లు అర్జున్ పాల్గొని పెద్ద ఎత్తున సందడి చేశారు. ఈ కార్యక్రమంలో భాగంగా ఈయన మెగా కుటుంబానికి అల్లు కుటుంబానికి ఏ విధమైనటువంటి మనస్పర్ధలు లేవని క్లారిటీ ఇచ్చారు.

అదేవిధంగా ఊర్వశివో రాక్షసివో సినిమా సక్సెస్ మా ఫ్యామిలీకి ఎంతో స్పెషల్ అంటూ ఈయన చెప్పుకొచ్చారు. ముఖ్యంగా ఈ కార్యక్రమంలో భాగంగా అల్లు అర్జున్ తన స్నేహితుడు బన్నీ వాసు గురించి ఆసక్తికరమైన వ్యాఖ్యలు చేశారు. నిజం చెప్పాలంటే తన కెరియర్ ఈ స్థాయిలో ఉండడానికి కారణం బన్నివాసు అంటూ ఈయన చేసినటువంటి కామెంట్స్ వైరల్ అవుతున్నాయి. సినిమా ఇండస్ట్రీలో తాను ఈ స్థాయిలో ఉండడానికి ఇలాంటి స్టార్డం అనుభవించడానికి నాన్న పాత్ర ఎంత ఉందో అంతకుమించి బన్ని వాసు పాత్ర ఉందంటూ అల్లు అర్జున్ బన్నీ వాసు పై ప్రశంసలు కురిపించారు.

వ్యక్తిగతంగా అల్లు అర్జున్ బన్నీ వాసు మంచి స్నేహితులు కావడంతో అల్లు అరవింద్ సైతం గీత ఆర్ట్స్ బ్యానర్ వ్యవహారాలన్నింటిని బన్నీ వాసు చేతిలో పెట్టారు.సినిమాల ఎంపిక నిర్మాణ విషయంలో బన్నీ వాసుకి ఉన్నటువంటి టాలెంట్ గుర్తించినటువంటి అల్లు అరవింద్ గీతా ఆర్ట్స్2 బ్యానర్ బాధ్యతలను బన్నీ వాసుకి అప్పగించారు. ఈ క్రమంలోనే ఈ సినిమా ఈవెంట్ లో భాగంగా అల్లు అర్జున్ బన్నీ వాసు గురించి ఎంతో గొప్పగా చెప్పడంతో బన్నీ వాసు పేరు ప్రతిష్టలు మరింత పెరిగాయని చెప్పాలి.

ఇకపోతే అల్లు శిరీష్ గురించి కూడా ఈ సందర్భంగా బన్నీ ఆసక్తికరమైన వ్యాఖ్యలు చేశారు.అల్లు శిరీష్ ఏం చేసినా చేయకపోయినా తనంటే నాకు ఎప్పటికీ అభిమానమేనని తెలిపారు. ఇకపోతే ఈ సినిమా చాలా బాగుంది అని అందరూ మాట్లాడుకుంటూ ఉండగా ఆ మాటలు విన్నప్పుడు తనకు చాలా సంతోషం వేసిందని అల్లు అర్జున్ తెలిపారు.తనకు రొమాంటిక్ సినిమాలు పెద్దగా వర్కౌట్ కాలేదని అలాంటి సినిమాలలో శిరీష్ చాలా బాగా నటించారంటూ ఈ సందర్భంగా తమ్ముడి నటనపై ఐకాన్ స్టార్ ప్రశంసలు కురిపించారు.

ఊర్వశివో రాక్షశివో సినిమా రివ్యూ & రేటింగ్!

Most Recommended Video

లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!