టాలీవుడ్ ఐకాన్ స్టార్ అల్లు అర్జున్ భిన్నమైన కథలకు ప్రాధాన్యత ఇస్తూ కెరీర్ ను కొనసాగిస్తున్న సంగతి తెలిసిందే. పుష్ప1 సినిమాతో కెరీర్ బిగ్గెస్ట్ హిట్ ను సొంతం చేసుకున్న అల్లు అర్జున్ పుష్ప ది రూల్ సినిమాతో ఆ సినిమాను మించిన విజయాన్ని సొంతం చేసుకోవాలని భావిస్తున్నారని తెలుస్తోంది. ఈ సినిమా తర్వాత బన్నీ కొరటాల శివ కాంబినేషన్ లో ఒక సినిమా తెరకెక్కాల్సి ఉంది. ఇప్పటికే ఈ సినిమాకు సంబంధించిన స్క్రిప్ట్ పనులు సైతం పూర్తయ్యాయి.
ఎన్టీఆర్ సినిమా తర్వాత కొరటాల శివ ఈ ప్రాజెక్ట్ తో బిజీ కానున్నారని బోగట్టా. కొరటాల తయారు చేసిన స్క్రిప్ట్ ప్రకారం బన్నీ ఈ సినిమాలో రాడికల్ స్టూడెంట్ గా రెబల్ తరహా పాత్రలో కనిపించనున్నారు. హీరో పాత్ర జాతీయ రాజకీయాలను ప్రభావితం చేయడంతో పాటు రాజకీయాల్లో మార్పుకు శ్రీకారం చుట్టే విధంగా ఉండనుందని సమాచారం అందుతోంది. పవర్ ఫుల్ స్టోరీతో ఈ సినిమా తెరకెక్కనుందని తెలుస్తోంది. బన్నీ కొరటాల శివ కాంబో మూవీ కోసం బన్నీ ఫ్యాన్స్ సైతం ఆసక్తిగా ఎదురుచూస్తుండటం గమనార్హం.
యువసుధ ఆర్ట్స్ గీతా ఆర్ట్స్ పిక్చర్స్ బ్యానర్ పై ఈ సినిమా తెరకెక్కనుందని ఇండస్ట్రీ వర్గాల్లో వినిపిస్తోంది. బన్నీ సినిమాసినిమాకు వైవిధ్యం ఉండేలా కెరీర్ విషయంలో జాగ్రత్త పడుతున్నారు. బన్నీ రెమ్యునరేషన్ సైతం అంచనాలకు అందని స్థాయిలో పెరిగిందని సమాచారం అందుతోంది. బన్నీ పుష్ప2 సినిమాకు ఏకంగా 100 కోట్ల రూపాయల రెమ్యునరేషన్ తీసుకుంటున్నారని వార్తలు ప్రచారంలోకి వచ్చాయి. అయితే ఈ వార్తల్లో నిజానిజాలు తెలియాల్సి ఉంది.
టాలీవుడ్ స్టార్ హీరోలు తమ పారితోషికాలను ఊహించని స్థాయిలో పెంచుతున్నారు. రామ్ చరణ్, జూనియర్ ఎన్టీఆర్ కూడా 100 కోట్ల రూపాయల పారితోషికం తీసుకోవడానికి ఎంతో సమయం లేదని కామెంట్లు వినిపిస్తున్నాయి. పవన్, మహేష్ కూడా త్వరలో పాన్ ఇండియా హీరోలుగా గుర్తింపు తెచ్చుకోనున్నారు.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
