హరీష్ శంకర్ దర్శకత్వంలో స్టైలిష్ స్టార్ అల్లు అర్జున్ నటిస్తున్న దువ్వాడ జగన్నాథమ్ సినిమా వేగంగా షూటింగ్ జరుపుకుంటోంది. శ్రీ వెంకటేశ్వర క్రియేషన్స్ పతాకంపై దిల్ రాజు నిర్మిస్తున్న ఈ ఫిల్మ్ ఫస్ట్ లుక్ ఈ నెల 18న రిలీజ్ కానుంది. ఈ చిత్ర ఆడియో రిలీజ్ వేడుకను ఏప్రిల్ 16న వైభవంగా నిర్వహించి, సినిమాని మే 19 న రిలీజ్ చేయడానికి సన్నాహాలు చేస్తున్నారు. ఇలా ప్రస్తుత సినిమా విషయంలో ఎంతో ప్లాన్ తో ఉన్న బన్నీ నెక్స్ట్ సినిమాని కూడా ఇప్పుడే లైన్లో పెడుతున్నారు. ఈ మూవీ తర్వాత లింగు స్వామి దర్శకత్వంలో ద్విభాషా చిత్రంలో బన్నీ నటించనున్నారు. ఈ చిత్రం కొంతం ఆలస్యం అవుతుందని తాజా సమాచారం.
అందుకే రచయిత వక్కంతం వంశీ చెప్పిన కథతో ముందుకు వెళ్లేందుకు సిద్ధమయ్యారు. ఈ సినిమాతో వక్కంతం వంశీని డైరక్టర్ గా అల్లు అర్జున్ పరిచయం చేస్తున్నారు. లగడపాటి శ్రీధర్ నిర్మించనున్న ఈ సినిమాకు ఇప్పుడే పనులు మొదలయిపోయాయి. ఈ చిత్రానికి ‘నా పేరు సూర్య.. నా ఊరు ఇండియా’ అనే టైటిల్ను పెట్టినట్లు తెలిసింది. ఈ టైటిల్ బన్నీకి బాగా నచ్చిందని వెంటనే నిర్మాత రిజిస్టర్ చేయించేందుకు సిద్ధమవుతున్నారు. టైటిలే ఇంత ఆసక్తికరంగా ఉంటే. సినిమా ఇంకెలా ఉంటుందోనని ఫిల్మ్ వర్గాల్లో చర్చ మొదలయింది.
Also, do SUBSCRIBE to our YouTube channel to get latest Tollywood updates.
