‘సైరా నరసింహ రెడ్డి’ తో ‘గోన గన్నారెడ్డి’…?

మెగాస్టార్ చిరంజీవి 151 విచిత్రంగా సురేందర్‌ రెడ్డి డైరెక్షన్లో తెరేకెక్కుతున్న ‘సైరా నరసింహారెడ్డి’ చిత్రం షూటింగ్ శరవేగంగా జరుగుతుంది. ఇప్పటికే చాలా వరకూ చిత్రీకరణ పూర్తయ్యింది. విశ్రాంతి లేకుండా డైరెక్టర్ సురేందర్ రెడ్డి అండ్ టీం ఈ చిత్రం కోసం శ్రమిస్తున్నారట. చిరంజీవి కెరీర్లోనే… భారీ బడ్జెట్ చిత్రంగా ‘కొణిదెల ప్రొడక్షన్స్ కంపెనీ’ బ్యానర్ పై మెగా పవర్ స్టార్ రాంచరణ్ ఈ చిత్రాన్ని నిర్మిస్తున్నాడు. ఇక ఈ చిత్రానికి సంబంధించి ఓ ఆసక్తికరమైన వార్త ఫిలింనగర్లో చక్కర్లు కొడుతుంది.

• ‘యాత్ర’ రివ్యూ కోసం ఇక్కడ క్లిక్ చెయ్యండి 
• విచారణ రివ్యూ కోసం ఇక్కడ క్లిక్ చెయ్యండి
• సీమ రాజా రివ్యూ కోసం ఇక్కడ క్లిక్ చెయ్యండి
• అమావాస్య రివ్యూ కోసం ఇక్కడ క్లిక్ చెయ్యండి

విషయంలోకి వెళితే.. గత కొద్దీ రోజులుగా ఈ చిత్రంలో స్టైలిష్ స్టార్ అల్లు అర్జున్ నటిస్తున్నాడని వార్తలు వినిపించాయి. ఇప్పుడు ఆ వార్తలు నిజమేనని… ఫిలింనగర్ విశేషకులు చెప్పుకోస్తున్నారు. ఈ చిత్రంలో అల్లుఅర్జున్ నిజంగానే ఓ కీలక పాత్రలో కనిపించబోతున్నాడట. ‘రుద్రమదేవి’ చిత్రంలో ‘గోన గన్నారెడ్డి’ రేంజ్లో ఈ పాత్ర ఉండబోతుందట. నిజానికి ‘రుద్రమదేవి’ అనే పేరు కంటే… ‘గోన గన్నారెడ్డి’ అనే పేరుతోనే ఆ చిత్రం ఎక్కువ పాపులారిటీ సొంతం చేసుకుంది. అలాంటిది అలాంటి పాత్రే ఇప్పుడు ‘సైరా నరసింహారెడ్డి’ లో అల్లు అర్జున్ పోషిస్తున్నాడంటే… సురేందర్ రెడ్డి ఆ పాత్రని ఏ రేంజ్లో తీర్చిదిద్దుతాడో ప్రత్యేకంగా చెప్పనక్కర్లేదు. ‘డాడీ’ ‘శంకర్ దాదా జిందాబాద్’ వంటి చిత్రాల్లో మెగాస్టార్ తో స్క్రీన్ షేర్ చేసుకున్న అల్లు అర్జున్… ఇప్పుడు మరోసారి మెగాస్టార్ తో నటించడానికి రెడీ అవుతున్నాడన్న మాట. ఇక ఈ చిత్రంలో సుదీప్, అమితాబ్ బచ్చన్, విజయ్ సేతుపతి, జగపతిబాబు వంటి స్టార్ లు నటిస్తున్నారు. ఈరోజు జగపతిబాబు పుట్టిన రోజు కావడంతో జగపతి బాబు పాత్రకి సంబందించిన ఫస్ట్ లుక్ ని కూడా చిత్ర యూనిట్ విడుదల చేసింది. ఇక ఇప్పుడు అల్లు అర్జున్ కూడా ఈ చిత్రంలో నటించనున్నాడు కాబట్టి మలయాళంలో కూడా ఈ చిత్ర మార్కెట్ భారీ రేంజ్లో జరిగే అవకాశం ఉందనడంలో సందేహం లేదు.
భారీ బడ్జెట్ తో హీరో రామ్ చరణ్ నిర్మిస్తున్న ఈ చిత్రాన్ని తెలుగుతోపాటు తమిళం, కన్నడ, హిందీ, మలయాళ భాషల్లో విడుదల చేయనున్నారు.