టాలీవుడ్ ఇండస్ట్రీలో సక్సెస్ రేట్ ఎక్కువగా ఉన్న హీరోలలో బన్నీ కూడా ఒకరు. కెరీర్ తొలినాళ్లలో బన్నీ నటించిన సినిమాలు బాక్సాఫీస్ దగ్గర వరుస బ్లాక్ బస్టర్ హిట్లుగా నిలిచాయి. కథను పర్ఫెక్ట్ గా జడ్జ్ చేసే హీరోగా పేరు తెచ్చుకున్న బన్నీ గురించి ప్రముఖ రచయిత, దర్శకుడు డైమండ్ రత్నబాబు ఆసక్తికర విషయాలు వెల్లడించారు. బన్నీ కోసం తాను కథ సిద్ధం చేశానని ఆ మూవీ టైటిల్ వినగానే బన్నీ షాకయ్యారని డైమండ్ రత్నబాబు అన్నారు.
ప్రస్తుతం మోహన్ బాబు ప్రధాన పాత్రలో తెరకెక్కుతున్న సన్ ఆఫ్ ఇండియా సినిమాకు రత్నబాబు దర్శకత్వం వహిస్తున్నారు. తాజాగా ఒక ఇంటర్వ్యూలో మాట్లాడిన రత్నబాబు తాను బన్నీ కోసం గాలిగాడు పేరుతో కథ రాశానని ఆ టైటిల్ విని బన్నీ షాకయ్యారని చెప్పారు. బన్నీవాసు ద్వారా తాను అల్లు అర్జున్ ను కలిశానని స్క్రిప్ట్ విని కథ బాగానే చెప్పినా ఆ కథ నచ్చలేదని బన్నీ తనతో అన్నారని రత్నబాబు వెల్లడించారు.
కమర్షియల్ ఫార్మాట్ లో కథ ఉందని కొత్తదనం లేకపోవడంతో తాను చేయలేనని బన్నీ చెప్పారని రత్నబాబు తెలిపారు. బన్నీ మాటలు తనను ఆలోచింపజేయడంతో కథలో కొత్తదనం ఉండేలా జాగ్రత్త పడుతున్నానని రత్నబాబు పేర్కొన్నారు. తన కథ వీవీ వినాయక్, బోయపాటి శ్రీను కథలను పోలి ఉంటుందని రత్నబాబు అన్నారు. రత్నబాబు డైరెక్షన్ లో తొలి సినిమాగా బుర్రకథ సినిమా తెరకెక్కగా ఆ సినిమా బాక్సాఫీస్ దగ్గర ఫ్లాప్ గా నిలిచింది. రెండో సినిమాతోనైనా రత్నబాబు సక్సెస్ సాధిస్తారో లేదో చూడాల్సి ఉంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
