భారీ యాక్షన్ సినిమాలు చేయాలనే ఉద్దేశంతో అల్లు అర్జున్ రీసెంట్ గా రెండు కథలను వదులుకున్నారు. అందులో ఒకటి అర్జున్ రెడ్డి. రెండోది గీత గోవిందం. మొదటిది బ్లాక్ బస్టర్ హిట్ కాగా.. రెండోది సూపర్ హిట్ ఖాయమని సినిమా చూసిన బన్నీ ఓ నిర్ణయానికి వచ్చేసారు. ఈ సారి మంచి కథను వదులుకోకూడదని ఫిక్స్ అయ్యారు. అందుకే దిల్ రాజు తీసుకొచ్చిన కథని ఒకే చేసినట్లు సమాచారం. ఈ కథ నానికి మొదట వినిపించారు. అతను ఒకే అన్నారు. అంతేకాదు “సభకి నమస్కారం” అనే టైటిల్ కూడా రిజిస్టర్ చేయించారు. ప్రస్తుతం నాని… శ్రీరామ్ ఆదిత్య దర్శకత్వంలో నాగార్జునతో కలిసి దేవదాస్ అనే మల్టీస్టారర్ మూవీ చేస్తున్నారు.
దీని తర్వాత గౌతమ్ తిన్నమూరి దర్శకత్వంలో “జెర్సీ” అనే చిత్రం చేయనున్నారు. సో ఈ రెండు ముగిసేసరికి కనీసం ఆరు నెలలు పైనే పడుతుంది. అప్పటి దాకా ఈ స్క్రిప్ట్ ని హోల్డ్ లో పెట్టడం ఇష్టం లేక దిల్ రాజు అల్లు అర్జున్ కి వినిపించడం.. ఎటువంటి మార్పులు చూసించకుండా ఒకే చెప్పడం జరిగిపోయాయి. ఇప్పుడు ఈ కథని ఎవరు డైరక్ట్ చేస్తారనే దానిపై చర్చ సాగుతోంది. స్టార్ డైరక్టర్స్ అందరూ తమ తమ ప్రాజెక్ట్స్ తో బిజీగా ఉన్నారు. మరి ఈ ప్రాజక్ట్ ఎవరూ తీసుకుంటారా? అనేది ఆసక్తికరంగా మారింది.
