అల వైకుంఠపురములో చిత్రం కోసం 14 కేజీలు తగ్గిన బన్నీ

“నా పేరు సూర్య” లాంటి డిజాస్టర్ అనంతరం అల్లు అర్జున్ కొంత విరామం అనంతరం “అల వైకుంఠపురములో” చిత్రాన్ని మొదలెట్టిన విషయం తెలిసిందే. “జులాయి, సన్నాఫ్ సత్యమూర్తి” లాంటి సూపర్ హిట్స్ అనంతరం ఈ ఇద్దరి కాంబినేషన్ లో వస్తున్న మూడో సినిమా కావడంతో సాధారణంగానే ఈ సినిమాపై అంచనాలు మరో రేంజ్ లో ఉన్నాయి. అయితే.. ఆ అంచనాలను మరింత పెరిగేలా చేసిన విషయం అల్లు అర్జున్ లుక్స్. “దేశముదురు” టైమ్ లో బన్నీ ఎలా ఉండేవాడో ఈ సినిమాలోనూ అదేలా ఉన్నాడు. కాకపోతే.. ఇప్పుడు ఇంకాస్త స్టైలిష్ గా ఉన్నాడు. అయితే.. బన్నీ ఈ లుక్స్ కోసం చాలా కష్టపడ్డాడట.

రోజుకి రెండు గంటల జిమ్ మాత్రమే కాకుండా కేటో డయిట్ కూడా ఫాలో అయ్యాడట. ఓ మూడు నెలలపాటు ఈ డైట్ & జిమ్ చేస్తే గానీ 14 కిలోల బరువు తగ్గలేదంట బన్నీ. ఇప్పుడు బన్నీ స్మార్ట్ లుక్స్ ఆయన అభిమానులని విశేషంగా అలరిస్తున్నాయి. ఆల్రెడీ ఈ సినిమాలో “సామజవరగమన” పాట ఒక సెన్సేషన్ క్రియేట్ చేయగా.. ఇప్పుడు మరో పాట “రాములో రాముల” నేడు విడుదలవ్వనుంది. మరి ఈ కొత్త పాటతో ఎలాంటి సెన్సేషన్ క్రియేట్ చేస్తాడో చూడాలి.

రాజుగారి గది 3 సినిమా రివ్యూ & రేటింగ్!
ఆపరేషన్ గోల్డ్ ఫిష్ సినిమా రివ్యూ & రేటింగ్!