అల్లు అర్జున్..ని(Allu Arjun) కలవాలంటే 42 కఠిన నిబంధనలు పాటించాలా? అంటే పాటించాలనే అంటుంది అస్సామీ నటి కావేరి బారువా. ఇది ఆమె వ్యక్తిగత అభిప్రాయం కాదు. అనుభవపూర్వకంగానే చెప్పిందట.అల్లు అర్జున్ తో ఈమె ఓ యాడ్ షూటింగ్లో పాల్గొందట. అయితే అల్లు అర్జున్ ను కలిసే ముందు ఆయన టీమ్.. 42 నిబంధనలు వివరించినట్టు ఆమె చెప్పి షాకిచ్చింది.
మేనేజర్ కి మేనేజర్, ఆ మేనేజర్ కి ఇంకో మేనేజర్ ఇలా అల్లు అర్జున్ టీమ్ కి చెందిన వాళ్ళ నుండి కావేరి బారువాకి అందిన ప్రోటోకాల్ అది అని ఆమె ఓ ఇంటర్వ్యూలో చెప్పుకొచ్చింది.’అల్లు అర్జున్ కి షేక్ హ్యాండ్ ఇవ్వకూడదు. వీలైనంత దూరంగా ఉండి మాట్లాడాలి. అతను సెట్లో ఉంటే ఎవ్వరూ ఫోన్ వాడకూడదు.. అంటూ చాలా రూల్స్ చెప్పారు. దీంతో ఆ యాడ్ షూటింగ్ అయ్యేవరకు చివర్లో ఉండి ఫోన్ చూసుకునేదాన్ని.
కానీ ఒకసారి అల్లు అర్జున్ టీమ్..కి చెందిన ఓ వ్యక్తి వచ్చి ఫోన్ లాగేసుకున్నాడు. ఇక్కడ ‘ఫోన్లు వాడకూడదు’ అని పలికాడు. కానీ నా పనిలో భాగంగా వాడాల్సి వచ్చింది. హీరోలన్నాక.. వారి ప్రైవసీ విషయంలో ఇలాంటివి తప్పవు అనుకున్నాను’ అంటూ కావేరీ తన అనుభవాన్ని చెప్పుకొచ్చారు.ఇదే క్రమంలో ‘ ‘పుష్ప’ సినిమా చూశాక.. అల్లు అర్జున్ నటనకు,మ్యానరిజమ్స్ కి ఫిధా అయిపోయినట్టు.. ఆమె తెలిపారు.
‘అల్లు అర్జున్ గొప్ప నటుడు. అల్లు అర్జున్ను ‘స్టైలిష్ స్టార్’ అని ఎందుకు అంటారో?’ సినిమా చూశాక తెలుసుకున్నట్టు’ ఆమె చెప్పుకొచ్చింది.అలాగే భవిష్యత్తులో అల్లు అర్జున్ తో నటించే అవకాశం వస్తే అస్సలు వదులుకోనని, అది తన డ్రీమ్ అని కూడా తెలిపింది. ఇదే దక్షిణాది సినిమాల్లోని కంటెంట్, మేకింగ్ వాల్యూస్ ఇండియన్ సినిమాని నెక్స్ట్ లెవల్కు తీసుకెళ్తున్నాయని కూడా ప్రశంసించింది కావేరీ.
