కరోనా సెకండ్ వేవ్ కారణంగా ప్రజలు ఎంతగానో ఇబ్బంది పడుతున్నారు. సామాన్యులతో పాటు ఈ మధ్యకాలంలో చాలా మంది సెలబ్రిటీలు సైతం ఈ వైరస్ బారిన పడి మృతి చెందారు. దీంతో చిత్రపరిశ్రమ దిగ్బ్రాంతికి లోనైంది. ఇటీవల పవన్ కళ్యాణ్, అల్లు అర్జున్, ఎన్టీఆర్ లాంటి స్టార్ హీరోలు కరోనా బారిన పడిన సంగతి తెలిసిందే. రెండురోజుల క్రితం పవన్ కి నెగెటివ్ వచ్చినట్లు ప్రకటించారు. తాజాగా అల్లు అర్జున్ కూడా వైరస్ ను జయించినట్లు అభిమానులకు గుడ్ న్యూస్ చెప్పారు.
పదిహేను రోజుల క్వారంటైన్ తరువాత చేసిన కోవిడ్ పరీక్షల్లో నెగెటివ్ వచ్చినట్లు అల్లు అర్జున్ తన ఇన్స్టాగ్రామ్ లో పోస్ట్ చేశారు. ఈ సందర్భంగా తన కోసం ప్రార్ధించిన అభిమానులు, శ్రేయోభిలాషులు అందరికీ కృతజ్ఞతలు చెప్పారు. కరోనా కేసులు తగ్గడానికి ఈ లాక్ డౌన్ ఉపయోగపడుతుందని భావిస్తున్నట్లు చెప్పారు. దయచేసి అందరూ ఇంట్లోనే ఉండి ప్రాణాలు కాపాడుకోవాలని సూచించారు. క్వారంటైన్ నుండి బయటకి వచ్చిన వెంటనే తన పిల్లల దగ్గరకు వెళ్లాడు బన్నీ.
పదిహేను రోజుల పాటు పిల్లలకు దూరంగా ఉన్న బన్నీ.. వారిని చూసిన వెంటనే హత్తుకున్నాడు. అయాన్ అయితే బన్నీను కౌగిలించుకొని అసలు విడిచిపెట్టలేదు. అయాన్, అర్హలను ప్రేమగా దగ్గరకు తీసుకొని వారితో సరదాగా ఆడుకున్నాడు బన్నీ. ప్రస్తుతం బన్నీ ‘పుష్ప’ అనే సినిమా చేస్తున్నాడు. ఈ సినిమాను రెండు భాగాలుగా తెరకెక్కిస్తున్నట్లు ప్రచారం జరుగుతోంది. మరి దీనిపై చిత్రబృందం స్పందిస్తుందేమో చూడాలి!
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
