‘పుష్ప’ సినిమా సూపర్ హిట్ అవ్వడంతో అందరి దృష్టి అల్లు అర్జున్ పై పడింది. నార్త్ లో అయితే ‘పుష్ప’ సృష్టించిన ప్రభంజనం గురించి ప్రత్యేకంగా చెప్పనక్కర్లేదు. ఇప్పుడు బాలీవుడ్ దర్శకులు అల్లు అర్జున్ తో సినిమాలు తీయాలని ప్లాన్ చేస్తున్నారు. అయితే బన్నీ మాత్రం సరైన దర్శకుడితో బాలీవుడ్ లో ఎంట్రీ ఇవ్వాలనుకుంటున్నారు. బన్నీ బాలీవుడ్ డెబ్యూ గ్రాండ్ గా ఉండేలా ప్లాన్ చేశారు ఓ దర్శకుడు. అతడే రోహిత్ శెట్టి. బాలీవుడ్ లో ‘గోల్ మాల్’, ‘చెన్నై ఎక్స్ ప్రెస్’, ‘సింబా’, ‘సూర్యవంశీ’ వంటి సూపర్ హిట్ సినిమాలను రూపొందించారు రోహిత్.
ప్రస్తుతం ఆయన రణవీర్ సింగ్ హీరోగా ‘సర్కస్’ అనే సినిమాను తెరకెక్కిస్తున్నారు. ఇదిలా ఉండగా.. ఇప్పుడు ఈ దర్శకుడు అల్లు అర్జున్ ను స్పెషల్ మీటింగ్ కోసం ఇన్వైట్ చేసినట్లు సమాచారం. ఈ మీటింగ్ లో బన్నీతో సినిమా గురించి మాట్లాడబోతున్నారట. ప్రస్తుతం బన్నీ రష్యాలో ఉన్నారు. అక్కడ ‘పుష్ప’ సినిమా రిలీజ్ అవుతుండడంతో సినిమా ప్రమోషన్స్ కోసం వెళ్లారు. మరోపక్క రోహిత్ శెట్టి సర్కస్’ సినిమా ప్రమోషన్స్ లో బిజీగా ఉన్నారు.
త్వరలోనే వీరిద్దరూ కలవబోతున్నారు. అందుతున్న సమాచారం ప్రకారం.. బన్నీతో ఓ భారీ మల్టీస్టారర్ ప్లాన్ చేస్తున్నారు రోహిత్ శెట్టి. ఇందులో బన్నీతో పాటు రణవీర్ సింగ్, తమిళ హీరో కార్తి కూడా కనిపిస్తారట. మెయిన్ గా ముగ్గురు హీరోలు ఉంటే.. అక్షయ్ కుమార్, అజయ్ దేవగన్ లను స్పెషల్ రోల్స్ కోసం తీసుకుంటారట.
ఇదంతా చూస్తుంటే రోహిత్ శెట్టి పాన్ ఇండియా పోలీస్ మల్టీస్టారర్ ప్లాన్ చేస్తున్నారనిపిస్తుంది. కొన్నిరోజుల క్రితం బాలీవుడ్ దర్శకుడు దినేష్ విజన్ కూడా అల్లు అర్జున్ తో వర్క్ చేయాలనుకుంటున్నట్లు చెప్పారు. మరిప్పుడు బన్నీ ఏ దర్శకుడికి ఛాన్స్ ఇస్తారో చూడాలి!
హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!
Home