అల్లు అర్జున్ తో నటించనున్న అను ఇమ్మాన్యూల్

అమెరికాలో పుట్టి పెరిగిన అను ఇమ్యానుల్ టాలీవుడ్ లో క్రేజీ హీరోయిన్ గా మారింది. తొలిసారి మజ్ను సినిమాలో నాని సరసన ముద్దుగా నటించిన అందరినీ ఆకట్టుకుంది. వెంటనే మంచి ఆఫర్లను పట్టేసింది. “కిట్టు ఉన్నాడు జాగ్రత్త” సినిమాతో పాటు పవర్ స్టార్ పవన్ కళ్యాణ్ కి జోడీగా ఛాన్స్ అందుకుంది. త్రివిక్రమ్ దర్శకత్వంలో తెరకెక్కుతోన్న ఈ మూవీ రిలీజ్ కాకముందే మరో అవకాశం పట్టేసింది. సరైనోడు తర్వాత అల్లు అర్జున్ చేసిన ‘దువ్వాడ జగన్నాథం’ రేవు రిలీజ్ కాబోతోంది. ఈ సినిమా థియేటర్లోకి రాకముందే నెక్స్ట్ సినిమాని బన్నీ మొదలెట్టేసాడు. రచయిత  వక్కంతం వంశీ దర్శకత్వంలో  ‘నా పేరు సూర్య నా ఇల్లు ఇండియా’ అనే చిత్రాన్ని ప్రారంభించారు.

శిరీషా శ్రీధర్ లగడపాటి నిర్మిస్తోన్న ఈ సినిమా గురించి ఆసక్తికర న్యూస్ బయటికి వచ్చింది. అల్లు అర్జున్ సోల్జర్ గా నటిస్తున్న ఈ చిత్రంలో హీరోయిన్ గా మొదట కన్నడ బ్యూటీ రష్మిక నందనను పరిశీలించిన చిత్ర బృందం ఇప్పుడు అను ఇమ్యానుల్ ను ఒకే చెప్పినట్లు ఫిలిం నగర్ వాసులు చెబుతున్నారు. డీజే రిలీజ్ అయిన తర్వాత ఈ విషయాన్నీ అధికారికంగా ప్రకటించనున్నారు.

Also, do SUBSCRIBE to our YouTube channel to get latest Tollywood updates.