అల్లు అర్జున్, త్రివిక్రమ్ కాంబినేషన్లో ఓ చిత్రం రూపొందుతున్న సంగతి తెలిసిందే. అల్లు అరవింద్, ఎస్. రాధాకృష్ణ వంటి బడా నిర్మాతలు కలిసి నిర్మిస్తున్న ఈ చిత్రంలో పూజా హెగ్దే హీరోయిన్ గా నటిస్తుంది. ప్రస్తుతం హైదరాబాద్ లో ఈ చిత్రం షూటింగ్ జరుగుతుంది. హీరో హీరోయిన్లపై కీలక సన్నివేశాలను చిత్రీకరిస్తున్నారు. ఎట్టిపరిస్థితుల్లోనూ ఈ చిత్రాన్ని అనుకున్న టైంకు ఫినిష్ చేయాలని త్రివిక్రమ్, బన్నీ చాలా కష్టపడుతున్నారట. ఇందులో భాగంగా ఓ పక్కన షూటింగ్లో పాల్గొంటూనే మరో పక్క మ్యూజిక్ సిట్టింగులు కూడా వేస్తున్నారట.
ఈ విషయాన్ని స్వయంగా మ్యూజిక్ డైరెక్టర్ తమన్ ఓ ఫోటోను షేర్ చేస్తూ.. ‘‘మా సినిమా మ్యూజిక్ మంచి ప్రాసెస్లో, స్పీడ్ ప్రోగ్రెస్లో ఉంది’’ అంటూ తమన్ పేర్కొన్నాడు. మరి… త్రివిక్రమ్ గత చిత్రమైన ‘అరవింద సమేత’ కు తమన్ అదిరిపోయే సంగీతాన్ని అందించాడు. మరి ఈ చిత్రానికి ఎలాంటి సంగీతం అందిస్తాడో చూడాలి మరి..!
