స్టైలిష్ స్టార్ అల్లు అర్జున్, పవర్ స్టార్ పవన్ కల్యాణ్ విషయంలో ఏమాత్రం తగ్గడం లేదు. అసలు వీరిద్దరి మధ్య ఏమయ్యింది, బన్నీ ఎందుకు అలా మాట్లాడుతున్నాడు?? విషయంలోకి వెళితే, సరైనోడు సినిమా ప్రమోషన్ లో భాగంగా అల్లు అర్జున్ అనేక విషయాలు బయట పెట్టాడు. పవన్ గురించి మాట్లాడమని అడగగా, మాట్లాడాను అంటూ చెప్పేసాడు. అది తప్ప ఇంకా ఏమైనా అడగండి అంటూ తెలిపాడు. చిరు విషయంలో కుడా బన్నీ మాట్లాడుతూ…చిరు పాటల్ని రీమిక్స్ చేసే అవకాశం ఉన్నా తాను చెయ్యనని దానికి కారణం, చిరంజీవిగారు ఓ పాటకు డ్యాన్స్ చేశారంటే అది వంద శాతం పక్కాగా ఉంటుంది.
ఎలాగూ వంద శాతాన్ని దాటుకుని వెళ్లలేం. అలాంటప్పుడు ఆ రిస్క్ తీసుకోవడం ఎందుకు? అంటూ మెగా స్టార్ ను ఆకాశానికి ఎత్తేశాడు. మరో పక్క ఈ సమావేశంలో తన పర్సనల్ విషయాలను సైతం తెలిపాడు బన్నీ, అవేమిటంటే…ఒకసారి తన కుమారుడు అయాన్కి స్నానం చేయించాడట, స్నానం చేసి బాత్రూమ్ నుంచి బయటికి తీసుకొచ్చి, తను మ్యాట్ మీద నిలబడి, అయాన్ ను తన కాళ్ల మధ్యలో నేలబెట్టుకోగా అయాన్ జర్రున జారీ…వెనక్కి బోర్లా పడ్డాడు, తలకి బాగా దెబ్బ తగిలి, గుక్కపట్టి ఏడ్చేశాడు. దాంతో పాటు తిన్నది మొత్తం కక్కేశాడు. భయమేసేసింది. కొద్ది సేపటికి నార్మల్ అయ్యాడు. మరుసటి రోజు ఆస్పత్రికి తీసుకెళ్లి, చెక్ చేయించాం. నార్మల్.. ఏం ఫర్లేదని చెప్పారు. ‘నిన్ను నమ్మి రెండు రోజులు బాబును అప్పగిస్తేనా..?’ అని మా ఆవిడ సీరియస్ అయ్యింది అంటూ వాళ్ళ ఆవిడ సీరియస్ అయిన విషయాన్ని సైతం నవ్వుకుంటూ చెప్పాడు బన్నీ…ఇలా బన్నీ తన మడీలోని భావాలని మీడియాకు చెప్పుకొచ్చాడు.
