రేపు ప్రకటించనున్న అల్లు అర్జున్, వంశీ మూవీ టైటిల్

హరీష్ శంకర్ దర్శకత్వంలో స్టైలిష్ స్టార్ అల్లు అర్జున్ నటిస్తున్న దువ్వాడ జగన్నాథమ్ సినిమా ఈనెల 23 న రిలీజ్ కావడానికి సిద్ధంగా ఉంది. శ్రీ వెంకటేశ్వర క్రియేషన్స్ పతాకంపై దిల్ రాజు నిర్మిస్తున్న ఈ ఫిల్మ్ టీజర్, ట్రైలర్, పాటలు సినిమాపై అంచనాలను పెంచేసాయి. ఈ సినిమా రిలీజ్ కాకముందే నెక్స్ట్ ప్రాజక్ట్ ని బన్నీ పట్టాలెక్కించనున్నారు. రచయిత వక్కంతం వంశీ ని డైరక్టర్ గా పరిచయం చేసే సినిమాని రేపు 8:30 గంటలకు లాంఛనంగా ప్రారంభించనున్నారు. లగడపాటి శ్రీధర్ నిర్మించనున్న ఈ సినిమాకు ‘నా పేరు సూర్య.. నా ఊరు ఇండియా’ అనే టైటిల్ పెట్టినట్లు ప్రచారం సాగింది.

ఈ టైటిల్ నిజమో కాదో.. రేపు తెలియనుంది. ఎందుకంటే చిత్ర ప్రారంభ సందర్భంగా టైటిల్ ని ప్రకటించనున్నారు. దేశ భక్తి నేపథ్యంలో సాగే ఈ సినిమాని త్వరలో సెట్స్ పైకి తీసుకుని వెళ్లి సంక్రాంతికి విడుదల చేయడానికి ప్లాన్ చేస్తున్నారు. ఆరెంజ్ మూవీ తర్వాత నాగేంద్రబాబు ఈ చిత్ర నిర్మాణంలో భాగం పంచుకోతుండడంతో క్రేజీ ప్రాజక్ట్ గా మారింది.

Also, do SUBSCRIBE to our YouTube channel to get latest Tollywood updates.