అల్లు అర్జున్, మహేష్ సినిమాల మధ్య వార్!

సెలవులు ఎక్కువ రోజులు వచ్చే సీజన్స్ లో స్టార్ హీరోలు తమ సినిమాలు రిలీజ్ చేయడానికి ఉత్సాహం చూపిస్తుంటారు. కలక్షన్స్ పరంగా రికార్డ్స్ సృష్టించడానికి ఆ మాత్రం ప్లానింగ్ అవసరం. 2018 సంక్రాంతి కి  మహేష్ బాబు భరత్ అనే నేను సినిమాతో వద్దామనుకున్నారు. అయితే షూటింగ్ ఆలస్యం కారణంగా నెస్ట్ సీజన్ కి వాయిదా వేసుకున్నారు. సంక్రాంతి తర్వాత బెస్ట్ సీజన్ వేసవి సెలవులు.  ఏప్రిల్ 27 న భరత్ అనే నేను రిలీజ్ అవుతుందని కొరటాల బృందం అధికారికంగా ప్రకటించింది. అదే రోజు తాను వస్తానని స్టైలిష్ స్టార్ అల్లు అర్జున్ రెండు నెలల క్రితమే స్పష్టం చేశారు.

వక్కంతం వంశీ దర్శకత్వంలో బన్నీ చేస్తున్న మూవీ ‘నా పేరు సూర్య” ప్రారంభం రోజే ఏప్రిల్ 27 న విడుదల చేస్తామని ప్రకటించారు. ఇప్పుడు మహేష్ మూవీ అదే రోజు వస్తుండడంతో వార్ తప్పనిసరి అయింది. మహేష్ ముఖ్యమంత్రిగా ప్రజల కోసం పాటు పడే కథ భరత్ అనే నేను. సోల్జర్ గా బార్డర్ లో ఉంటూ శత్రువులను చీల్చి చెండాడే కథ నా పేరు సూర్య.  ఈ  రెండు సినిమాలు టైటిల్ నుంచి కథ వరకు ఒకే జానర్ కలివినవి. మరి ఈ పోటీలో ఏ మూవీ విజయం సాధిస్తుందో ఇప్పుడే చెప్పలేము.