వేగంగా సాగుతున్న అల్లు అర్జున్ కొత్త మూవీ షూటింగ్

స్టైలిష్ స్టార్ అల్లు అర్జున్ ఈ ఏడాది సొంత బ్యానర్లో ‘సరైనోడు’ వంటి బ్లాక్ బస్టర్ హిట్ అందుకున్నారు. వందకోట్ల క్లబ్ లో చేరి స్టార్ హీరో అనిపించుకున్నారు. ఆ చిత్రం తర్వాత బన్నీ డైరెక్టర్ హరీష్ శంకర్ చెప్పిన కథను ఒకే చేశారు. పవన్ కళ్యాణ్, సాయి ధరమ్ తేజ్ కి హిట్స్ ఇచ్చిన ఈ దర్శకుడు అల్లు అర్జున్ ని రెండు కోణాల్లో చూపించనున్నారు.

ప్రముఖ నిర్మాత దిల్ రాజు నిర్మిస్తున్న‘దువ్వాడ జగన్నాథం’ షూటింగ్ చాలా వేగంగా జరుగుతోంది. మీడియాలో ఎక్కడా హడావుడి కాకుండా సైలంట్ గా అల్లు అర్జున్ రెండు షెడ్యూల్స్ కంప్లీట్ చేశారు. ఇప్పటివరకు ఈ చిత్రానికి సంబంధించి ఒక్క ఫోటో కూడా బయటికి రాలేదు. షూటింగ్ స్పాట్ ఫోటోలు సైతం కనిపించలేదు. దీనిని బట్టి చూస్తే బన్నీ ఈ సారి డిఫరెంట్ గెటప్ తో అభిమానులను గ్యారంటీ గా ఆశ్చర్యపరచనున్నట్లు తెలుస్తోంది. ఇందుకోసం రాక్ స్టార్ దేవీ శ్రీ ప్రసాద్ అద్భుత పాటలను అందిస్తున్నారు.

ముకుంద’ ఫేమ్ పూజ హెగ్డే హీరోయిన్ గా నటిస్తున్న ఈ మూవీ మూడో షెడ్యూల్ డిసెంబర్ 18 నుంచి హైదరాబాద్ లోని ఓ అందమైన ఇంటిలో మొదలుకానున్నట్లు సమాచారం. సుమారు 15 రోజులు జరగనున్న ఈ షెడ్యూలో అల్లు అర్జున్, పూజాలపై రొమాంటిక్ సన్నివేశాలను చిత్రీకరించనున్నట్లు చిత్ర యూనిట్ సభ్యుల్లో ఒకరు చెప్పారు. ఈ చిత్రం ఫస్ట్ లుక్ కోసం అల్లు అర్జున్ అభిమానులు ఆసక్తిగా ఎదురు చూస్తున్నారు.

Also, do SUBSCRIBE to our YouTube channel to get latest Tollywood updates.