‘ఐకాన్’ ప్రాజెక్ట్ పై క్లారిటీ ఇచ్చిన బన్నీ వాస్..!

అల్లు అర్జున్ 2020 సంక్రాంతికి.. ‘అల వైకుంఠపురములో’ చిత్రంతో ప్రేక్షకుల ముందుకు రావడానికి ముస్తాబవుతున్నారు. త్రివిక్రమ్ డైరెక్షన్లో తెరకెక్కిన ఈ చిత్రం 2020 జనవరి 12న విడుదల కాబోతుంది. గతంలో ‘జులాయి’ ‘సన్ ఆఫ్ సత్యమూర్తి’ వంటి హిట్ చిత్రాలు ఈ కాంబినేషన్లో వచ్చాయి కాబట్టి ఈసారి కచ్చితంగా హ్యాట్రిక్ కొడతారు అని ప్రేక్షకులు ఎంతో ధీమాగా ఉన్నారు. ఇక ఈ చిత్రం పూర్తయిన వెంటనే బన్నీ.. ‘ఐకాన్’ చిత్రంలో నటిస్తాడని వార్తలు వచ్చాయి. కానీ అనుకోకుండా సుకుమార్ ప్రాజెక్ట్ కన్ఫార్మ్ అయ్యింది.

దీంతో ‘ఐకాన్’ ప్రాజెక్ట్ ఉండే అవకాశం లేదని.. కమర్షియల్ ఎలిమెంట్స్ లేవని బన్నీ ఈ ప్రాజెక్టును పక్కన పెట్టేసినట్టు వార్తలు వచ్చాయి. అయితే తాజాగా ఈ విషయం పై అల్లు ఫ్యామిలీకి అత్యంత సన్నిహితుడైన బన్నీ వాస్ క్లారిటీ ఇచ్చాడు. ఆయన మాట్లాడుతూ.. ” ‘ఐకాన్’ ప్రాజెక్ట్ ఆగిపోలేదు. ప్రస్తుతానికి పక్కన పెట్టారు. ఈ కథ బన్నీగారికి బాగా నచ్చింది. నటనకి బాగా స్కోప్ ఉన్న క్యారెక్టర్ కాబట్టి.. ఈ ప్రాజెక్ట్ ను ఆయన వదులు కోరు.” అంటూ చెప్పుకొచ్చాడు.

రూలర్ సినిమా రివ్యూ & రేటింగ్!
ప్రతిరోజూ పండగే సినిమా రివ్యూ & రేటింగ్!