పుష్ప ది రూల్ (Pushpa 2: The Rule) సినిమా నుంచి తాజాగా ఫస్ట్ సింగిల్ విడుదల కాగా ఈ ఫస్ట్ సింగిల్ పై కొన్ని నెగిటివ్ కామెంట్స్ వినిపించినా బన్నీ (Allu Arjun) ఫ్యాన్స్ కు, మ్యూజిక్ లవర్స్ కు ఈ సాంగ్ ఎంతగానో నచ్చేసింది. ట్యూన్, లిరిక్స్ కంటే బన్నీ వేసిన స్టెప్స్ ఫ్యాన్స్ ఫిదా అయ్యారు. మరోవైపు యూట్యూబ్ లో పుష్ప ది రూల్ ఫస్ట్ సింగిల్ దూకుడు కనబరుస్తోంది. ఏకంగా 15 దేశాల్లో ఈ సాంగ్ ట్రెండింగ్ లో ఉందంటే ఈ సాంగ్ రేంజ్ ఏంటో అర్థమవుతుంది.
యూట్యూబ్ లో ఈ సాంగ్ రికార్డుల మీద రికార్డులు క్రియేట్ చేస్తుండటం గమనార్హం. 24 గంటల్లో ఈ సాంగ్ కు 40 మిలియన్ల వ్యూస్, 1.27 మిలియన్ లైక్స్ వచ్చాయంటే ఈ సాంగ్ రేంజ్ ఏంటో సులువుగానే అర్థమవుతుందని చెప్పవచ్చు. పుష్ప ది రూల్ రిలీజ్ కు ముందే ఈ స్థాయిలో సంచలనాలు సృష్టిస్తుంటే రిలీజ్ తర్వాత ఏ స్థాయిలో సంచలనాలు సృష్టిస్తుందో చూడాల్సి ఉంది. బన్నీ తన డ్యాన్స్ స్టెప్స్ తో మాయ చేస్తున్నారని కొంతమంది నెటిజన్లు సోషల్ మీడియా వేదికగా అభిప్రాయపడుతున్నారు.
ఈ సాంగ్ కు విజయ్ పోలాకీ కొరియోగ్రాఫర్ గా వ్యవహరించారని తెలుస్తోంది. పుష్ప ది రూల్ విడుదలైన తర్వాత విజయ్ పోలాకీ పేరు మారుమ్రోగడం గ్యారంటీ అని సోషల్ మీడియా వేదికగా కామెంట్లు వ్యక్తమవుతూ ఉండటం గమనార్హం. బన్నీ ఈ సినిమా కోసం 120 కోట్ల రూపాయల రేంజ్ లో పారితోషికం అందుకుంటున్నారని తెలుస్తోంది.
పుష్ప ది రూల్ సినిమా ఈ ఏడాది ఆగష్టు నెల 15వ తేదీన విడుదల కానుంది. ఇండిపెండెన్స్ డే కానుకగా రిలీజ్ కానున్న ఈ సినిమా లాంగ్ వీకెండ్ సెలవులను సద్వినియోగం చేసుకోనుంది. పుష్ప ది రూల్ బన్నీ కెరీర్ లో తొలి 1000 కోట్ల రూపాయల గ్రాస్ కలెక్షన్లను సాధించిన సినిమాగా నిలుస్తుందేమో చూడాల్సి ఉంది. పుష్ప ది రూల్ సినిమా బాక్సాఫీస్ ను షేక్ చేయాలని ఫ్యాన్స్ కోరుకుంటున్నారు.
Home